't Ronde jaer, of den schat der geestelijcke lofsangen

(1644)–Christianus Vermeulen– rechtenstatus


Een Ander.
Stemme: Ick heb voor desen: Oft, 'Kheb van den segens 1. COmpt int bysonder Kompt Harders al Kompt met een groot getal, Siet doch dit wonder, En looft den Heer Die hier dus leydt ter-neer, Roert bom, slaet Trom, En fluyt nu onversaecht 'tHeeft Godt alsoo behaecht Dat Moer sou sijn een Maecht. Eng'len, Harders weest verblijt, Broeders, Susters, wie ghy syt Nu in dese soete tijt.
[pagina 65]
2. Siet hier eens legghen Het kindt beschreydt Het kindt schier naeckt gheleydt: Wie salt wtlegghen Godt in een kreb In leur, in lap, in web Geluert, betruert In d'alder grooste noodt Aen 't lichaem naeckt, en bloodt, Van kou schier stijf, en doodt, Tusschen Os, en Esel stom Die daer stonden om end' om Sonder eer, sonder lof, oft rom. 3. De kleur van doecken Was graeu, was grijs, Een lap, een beetjen pijs, Gesocht uyt hoecken, Van schaepe leer. Een Harders gift ter eer. Daer by, kreech hy Wat wol tot meerder pracht, Een fleps, een lap onsacht, Was dat geen Koninckx dracht; Laet ons roepen, Vivle Roy Door alsulcken Koninck moy, Die hier leydt in een beesten koy. 4. Vol van genaeden Moet leven 'tLam Die blylijck op sich nam, All' ons misdaeden Door dit gedoe Voorwaer het komt hem toe Maer wilt, int stilt
[pagina 66]
(Hoort doch mijn kort bediet) Sijn paen vertreden niet, Niet wesen als een riet Gaet begroet hem, vivle Roy, Die om onsent wil int stroy Leydt en rust in wat stinckend hoy.