Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekend
[pagina 47]
| |
Hoe skeysers broeder doet was gescoten .xix.In desen tiden, verstaet mi dat,
Datmen Bris belach die stat,
So was menich assa[u]t gedaen,
1210[regelnummer]
Datmen al niet doet verstaen.
Het waer oec pijnlijc te scriven al,Ga naar margenoot+
Dat daer gesciede, groet ende smal,
In dier tijt dat si daer lagen.
Daer waren selke .vjj. dagen,
1215[regelnummer]
Dat si nie saten stille,
Want sere iegen haren willeGa naar margenoot+
Waest dien van buten, si u cont,
Dattie stat so lange stont.
Ende oec verdroet die van binnen,
1220[regelnummer]
Datsi die stat souden winnen,
Ende dat si daer so lange sijn voren,Ga naar margenoot+
Ga naar margenoot+ Dit dede oec der stat groten toren.
Om dit was daer, wet dat wel,
Menich assa[u]t sterc ende fel
1225[regelnummer]
Op enen tijt dus binnen desen,
Dat dit assa[u]t dicke had gewesen.Ga naar margenoot+
So souden enewerf spelen gaen
Des keysers broeder, sonder waen,
Mijn her Walraven optie grachtGa naar voetnoot1229
1230[regelnummer]
Van der veste, ende was gewacht
Van dien van binnen opter stont,Ga naar margenoot+
Ende werd gescoten ende so gewont,
Dat hi starf eer yet lanc,
Dat scade was sonder wanc,
1235[regelnummer]
Want hi was vroem ende coene
Ende willech mede in allen doene,Ga naar margenoot+
| |
[pagina 48]
| |
Dapper ende snel, ten wapen goet,
Ay, keyser, nu es die broeder vroet
Doet bleven vor dese stat.
1240[regelnummer]
Doen die keyser wiste dat,
Werd hi daerom sere ontdaen,Ga naar margenoot+
‘Ay, broeder’, sprac hi, herde saen,
Dat gi dus binnen scoten ginct,
Dat u leven mi ontlinct,
1245[regelnummer]
Dies binnic vele droever man
Dan ic yemen geseggen can.Ga naar margenoot+
Nochtan moetict varen laten,
Want in weter wien om haten,
Dat altemale deser stat.
1250[regelnummer]
Levic, si selens hebben te bat,
Wat ic u clage na desen saken,Ga naar margenoot+
In mach u niet levende maken’.
Die heren troestene alle daer.
Doen seidi selve daernaer:
1255[regelnummer]
‘Wi moeten sceden vanden doden,
Al eest dat wijt doen met noden,Ga naar margenoot+
Had mogen sijn, ic hadde nu
Gerne gehouden, dat secgic u,
Maer die niet mach verliesen,
1260[regelnummer]
Hine sal gene winninge kiesen’.
Dus [tr]oeste die keyser hem selven daerGa naar margenoot+
Ende die sine, oec daer naer
Ende ommesloech aldus sijn seer,Ga naar voetnoot1263
Omdat hi wilde daerna te meer
1265[regelnummer]
Die sine in haer coenheit houden,
Ende oec daer mede doen verbouden.Ga naar margenoot+
Nochtan haddi rouwe groet,
Heymelike, om sine doet.
|
|