Spiegel historiael. Vijfde partie. Deel 2
(1931)–Lodewijk van Velthem–
Auteursrecht onbekend
[pagina 238]
| |
Hoe die coninc van Ingelant moeste Gint rumen .v.310[regelnummer]
Doen dit een stuc had gestaen,
Droegen overeen, sonder waen,
Die vander stede van Gent,
Ende wildent aventuren omtrent,
Ende begonden die Galoysc jagenGa naar margenoot+
315[regelnummer]
Entie Inge[l]sce, die hem versagen
Begonsten alsi dit vernamen,
Want die Vlaminge hem so vergramen,
Dat met pinen die ander ontgaen.
Nochtan bleven daer, sonder waen.Ga naar margenoot+
320[regelnummer]
En had die grave benomen niet
Si hadden gehat mere verdriet.
Ja die coninc, dat wel verstaet,
Hadde selve cranken toeverlaet
Dat hi dlijf soude ontdragen.Ga naar margenoot+
325[regelnummer]
Doen hi sach, dat wilde wagen
Die van Gent, dochten wel
Dat hi hadde een herd spel,
Ende smeecte ende voer uter statGa naar voetnoot328
Met sinen volke. Maer eer datGa naar margenoot+
330[regelnummer]
Heme dit daer mochte gescien,
So waren alle sine liede besien
Ga naar margenoot+ Ende besocht, ende betast mede,
Eer si ten porten mochten gerede
| |
[pagina 239]
| |
Ute comen, oft si enige dingeGa naar margenoot+
335[regelnummer]
Hadden genomen sonderlinge
In die stat oft scade gedaen.
Dus was met vresen hem ontgaen.
Aldus eest van menigen dingen:
Die wile dat hem .i. laet dwingenGa naar margenoot+
340[regelnummer]
Ende hem onder geeft, dat verstaet,
So gevalt dicke datmenne slaet,
Ende dattie gene oec hiermede
Verfiert ende werd aldaer ter stede
Ye so lanc so quader den man.Ga naar margenoot+
345[regelnummer]
Ende alse oec weder gevalt dan
Dat die gene die tonder es
Seker weet die waerheit des,
Dat niet ne besciet, dat hi verdraecht,
Ende hierom dan algader waechtGa naar margenoot+
350[regelnummer]
Ende den genen wederstaet
Starkelike met stouter daet,
Ende niegerent omme achter en laet,
Hine blive daer, oft hebbe gemaect
Den genen die hem dede verdriet,Ga naar margenoot+
355[regelnummer]
So es dan dicke gesciet
Dattie irstewaerf stout was,
Sere smeect, sijt seker das,
Dan die ander dede te voren.
Dus was gesciet, alswijt horenGa naar margenoot+
360[regelnummer]
Den Galoysen enten Ingelscen mede,
Jegen die van Gent der stede.
| |
[pagina 240]
| |
Want int irste warense coene
Ende daden vele quader oesoene,
Ende na, doense wederstondenGa naar margenoot+
365[regelnummer]
Die van Gent, wordense vonden
Alsic seege deser gelike.
Die coninc voer wech haestelike
In Ingelant, met sinen lieden.
Nu hord van dingen die gesciedenGa naar margenoot+
370[regelnummer]
Voren dese, int ander jaer
Dat dit den coninc gesciede daer.
|
|