Spiegel historiael. Vijfde partie [alleen brontekst]

[Die prologhe.]

Die Vader, die al hevet gemaect
Dat in die werelt slaept ende waect,
Ende dat lijf ende vorme hevet ontfaen;
Die Sone, diet oec, sonder waen,
Al hevet gecocht, groet ende clene,
Dattie Vader maecte gemene,
Ende daer omme oec gaf sijn lijf;
Die heylige Geest, die sonder blijf
Al volinde ende al voldede
Dattie Vader entie Sone mede
Hadden begonnen onder hen:
Dus wrachte hare drier sen
Al eens in ere geweldicheden
Ende oec in ere drivoudicheden,
Alse inden Vader ende in den Sone,
Ende inden heyligen Geest, die scone
Hem can voegen mettesen tween;
Hets recht, want si drie aleen

[p. 1,7]

 

Oyt waren ende bliven selen.

20

Desen drien willic bevelen

 

Mine ziele ende minen sen:

 

Want ic dies wel bedacht ben.

 

Dat ic sonder hem mach niet.

 

Nu merct wel ende ane siet,

25

Ende hebbet bi u wel u gedochte,

 

Hoe yemen yet gedoen mochte

 

Jegen den Vader, hine dade meest

 

Jegen den Sone enten heyligen Geest:

 

Want u wel georkent es,

30

Dat dese drie, sijt seker des,

 

Een persoen wesen moet.

 

Ic, die int gelove goet

 

Ben ende vaste mi houde daer ane,

 

Bidde desen persoen ende mane,

35

Dat hi mijn herte also verlichte,

 

Dat ic te poente dit gedichte

 

Gemake ende dit volbringen moete.

 

Des biddic u, Maria soete,

 

Met Jhesum uwen sone goet;

40

Want hebbic uwer beider spoet,

 

Sone es mijn dichten niet te swaer,

 

Want u troest nemt mi den vaer,

 

Dat ic mi ontsie te min.

 

Nu hort hier dat begin,

[p. 1,8]

45

Waer af dat ic dichten sal.

 

Gehort hebdi, groet ende smal,

 

Hoe die werelt al haer dinge

 

Gehandelt hevet sonderlinge,

 

Tote op keyser Vrederics doet;

50

Ende daer na quamen inder noet

 

Menfroet ende oec Coenraet.

 

Overmids haer quade daet.

 

Dit staet inde vierde pertie,

 

Van coninc Lodewijc, die goede, de vrie,

55

Die den Spiegel maken dede.

 

Daer af hebdi gehord oec mede

 

Hoe hi starf vor Thinius int here.

 

Tot desen tiden, tot tesen here,

 

Hebdi [die] jeesten al gehord

60

In vier pertien bringen vord:

 

Salic u hier vord berichten

 

Tot onsen tiden, ende dichten

 

Alle die dinge, groet ende smal,

 

Die gesciet sijn overal.

[p. 1,9]

65

Ende desen boec willic heten

 

Die vifte pertie, ut gespleten

 

Allen den andren van selsenheden

 

Ende van goeder nuttelijcheden,

 

Die in .lx. jaren sijn gesciet.

70

Dat vore was en es al niet

 

Jegen twonder dat gesciet es

 

Binnen deser tijt, des sijt gewes,

 

Sint dat Willem van Hollant

 

Dat keyserike nam in hant;

75

Want op hem willic beginnen

 

In Marien [namen] der coninginnen.