Den reghel der Duytsche schoolmeesters

Eene bijdrage tot de geschiedenis van het schoolwezen in het laatst der XVIe en het begin der XVIIe eeuw

[p. 1]

Een Nut ende Profijtelijck Boecxken, ghenaemt
een regel der Duytsche Schoolmeesters, die proghie-kercken bedienen,
Nu eerst uitghegheven, ende ghepractiseert, door Dirck Adriaensz.
Valcoogh, Schoolmeester tot Barsigherhorn.

Proverb. 23, 17, 18.

De Jongelingen met roeden straffende houdt in den toom,
Want als mense van joncx castydt, soo wordense vroom,
Men derf hen oock niet dooden t' eenigher tydt.
T' is waer dat ghyse wel met roeden smyt:
Maer ghy doet aen hen der Charitaten werck,
Ende ghy bevrydt hun Ziel oock van der Hellen perck.

Proverb. 30, 17.

Een ooghe die Vader en Moeder bespot,
Ende niet luystert nae haer goede leeringh' en ghebodt,
Die moeten de Raven aen de waterbeken uytpicken,
Daertoe de jonghe Arenden sullen hem opslicken.

t' gemeen leeft deur een.

Ghedruckt tot Alckmaer, by Jacob de Meester, Voor Cornelis Claesz. Boeckvercooper op 't Water, by de oude brugge, in 't Schryfboeck, Ao. 1607.

[p. 2]

Rondeele.

Een deughdelijck Jonghelingh, van natueren goet
Sal alle neerstcheyt doen, om hem te vercieren
Met allerhande wijsheyt en gheleerdtheyt vroet,
Een deughdelyck Jonghelingh van natueren goet,
Want de rechte wijsheyt Godt kennen doet,
Hem beminnen, vreesen, dienen en vieren,
Een deughdelyck Jonghelingh, van natueren goet
Sal alle neersticheyt doen, om hem te vercieren,
Wel den Jonghelingh, die hem oeffent in goede manieren.

Rondeele.

Wacht u Jonckheyt wel, zyt al 't samen ghestreckt,
Om u eerlyck te draghen, t' zy wat ghy wilt beginnen,
Leeft sober, schouwt al dat tot sotte liefde treckt,
Wacht u Jonckheyt wel, zyt al t' samen ghestreckt,
Soo sult ghy reyn blyven ende onbevleckt,
Tot goede consten, en deught bereydt u sinnen,
Wacht u Jonckheyt wel, zyt al t' samen ghestreckt,
Om u eerlyck te dragen, t' zy wat ghy wilt beginnen,
Een goe name, en faem, sterft niet ter Weerelt binnen.

FINIS.