Psalmen Davidis

in Nederlandischer sangs-ryme

Latet ons aldus bidden.

⁺ O Almachtighe éewighe Godt ende barmhertighe vader, die du door den mondt dynes heylighen propheten betuycht hebst, Du willest niet des sondaers doidt, mer meer dat hy sich bekeere ende leue: ⁺ die oock dynen eenichgheboren Sone, niet

+ Esech.18.32

+ Ies.53.5. Rom.5.6.

[fol. 49r]

voor de rechtueerdighen, mer voor de sundaers hebst steruen laten willen: ⁺ ende hebst in der Ghemeynte desseluen dynes Soons verordent de afsnydinghe des versteenden ende verhardeden broeders, ⁺ dat hy also mit schaempte ende rauwe na dynen wille, boete dede to syner salicheyt. Sie wy syn hier in desseluen dynes Soons onses Heeren Iesu Christi name versamelt, ons onser sunden haluen voor dy te beschuldigen, ende vergiffenisse darouer, ⁺ in synen name te biddene: oock dat wy desen N. voorheen verloren, nu auer door ware leedtschap syner sunden, weder gheuonden, wederumme in dyne Ghemeynte opnemen. So wil dan allergoedichste vader, door dynen heylighen Gheest, onser aller herten, to warer erkentenisse alle onser sunden erwecken, ende insunderheyt onses teghen wordighen boetdadighen: Dat ghelyck als hy voorheen dyne Ghemeynte mit synen sunden gheerghert heeft, hy nu deselue mit syner leedtschap daerouer ende warer boete stichten moge. Uerleen hem o allergoedichste va-

+ Matt.18.18.

+ 2.Cor.7,10.

+ Mat.18 15. Iacob 5 26.

[fol. 49v]

der die ghenade dat hy nu syner sunden schuldt, onuerhindert ende onbeueynsdelicken bekenne, ter eeren dynes names, ende deser dyner Ghemeynte stichtinghe door denseluen Iesum Christum onsen Héeren. Amen.

⁺ Na desen ghebede vermaent de Diener den afghesneden, na wyse der vermaninge an den openbaren boet dadighen. Sie fol. 40.b. alleene werdt de name (Broeder) noch verswegen.

⁺ Wan auer dese vermaninge géeyndet is, bekent de boetdadighe afghesneden syne schuldt: bidt darouer verghiffenisse, ende beghéert vordan onder der Ghemeynte leden gherekent ende erhouden te werdene. So hy auer sulckes, door schaempte of éenich ander beletsel selues niet doen kan, so verhaelt de Diener de stucken syner schuldt bekentenisse mit desen affuraghen.

⁺ Ten iersten, Of edt also niet is als hy ghesecht heeft. Ten anderen, Of hy mit leedtwesen daerinne ende in eenen iederen stucke, syne schuld voor Godt ende syner Ghemeynte bekenne? Ten derden, Of hy niet

+ Vermaninghe an den afghesneden boetdadigken.

+ Schuldtbekentenisse des afghesneden boetdadigen.

+ Vragen dem afghesneden boetdadigen voor te houdene.

[fol. 50r]

door Godes ghenade syn leuen beteren, ende sich vordan der Christliker straffe onderwerpen wil. Ten vierden, Of hy niet vast gheloiuet, dat alle syne sunden, alléene door den name Christi Iesu, ⁺ ende de verdiensten synes ontschuldighen doides hem vergheuen syn.

Ende wan hy op een iedere deser vraghen, Christliken gheantwordt heeft, vraget de Diener de andere dieners opentliken, Of sy iet méer in des boetdadighen schuldt bekentenisse verheyschen. So dar iet is, dat werdt opentliken verklaert: so auer niet, so spreckt de Diener den boetdadighen aen, als volget.

Wy dancken altemael Godt, voor dese vwe boete, wardoor ghy niet so séere v, als den duyuel schaemroidt ghemaeckt ende ouerwonnen hebbet, darmede dat ghy, mit anroepen godliker genade, v van herten, voor Godt ende vwen euen naesten, den ghy onstichtet hadt, beschuldighet hebbet.

Dat ghy auer ghewisse syt, ghy syt nu in ghenade onses hemelschen vaders wederumme opghenomen, so

+ Luc.24.47. Act.4.12. & 10.43.

[fol. 50v]

latet ons nu voor Christo Iesu onsen Heere nederuallen, ende sulckes, na heyssche onses dinstes opentliken betuyghen, ende spreken aldus.