Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xvi.

1

⁺ ENd doe de Sabbath voorby ghegaen was, kochten Maria Magdalene, end Maria welcke was Iacobi [moeder] end Salome specery, op dat zy quamen, end zalfden hem.

+ Matt.28.a.1 Luc.24.a.1 Ioan,20.a.1

2

End zy kommen tot dem grafsteęn

[p. 93v]

ten eęrsten der Sabbathdaghen zeęr vrough, doe de zonn opghingk.

3

End zeyden onder malckanderen: Wie zal ons den steęn afwentelen van des grafsteęns dœre?

4

(End doe zy opzaghen, schauwden zy dat de steęn afghewentelt was,) want hy was zeęr groot.

5

^* End hénin ghegaen in den grafsteęn, zaghen zy eęnen ionghelingk ter rechter hand zitten, bekleędt mit eęnem langhen witten kleęde, end wurden verbaeßt.

* Ioan.20.c.11

6

⁺Hy auer zegt tot hen: ^* Zijt niet verbaeßt: ghy zoucket Iesum den Nazarener den ghecruycighden: hy is opgheweckt, hy is hier niet. Zie, de plaetß daer zy hem hén ghelegt hadden.

+ B

* Matt.28.a.5 Luc.24.a.4

7

Mer gaet hén, end zegghet zynen leęriongheren end Petro, dat hy voor v hén gaet in Galiléam: ^* aldaer zullet ghy hem zien, ^‡ ghelijckerwijß hy v ghezegt heeft.

* Act.1.b.9. 1.cor.15.a.5

‡ Matt.26.c.31 end .28.c.10 Marc.14.c.28

8

^* End zy, haestlick hærwt ghegaen, vlohen van dem grafsteęn: auer beuing end entzetting had ze beuanghen, end zeyden niemanden niets: want zy waren beureęßt.

* Matt.28.b.8 Luc.24.b.8 Ioan.20.d.18

9

Doe auer Iesus opghestaen was, des morghens ten eęrsten daghe des Sabbats, ^* verscheen hy eęrst Marie Magdalene, ^‡ van welcker hy zeuen duuels wtgheworpen had.

* Ioan.20.c.14

‡ Luc.8.a.2

10

⁺Zy [auer] ghingk hén, end boodschapte’t den, die mit hem gheweeßt hadden, welcke dar trœrden end weęnden.

+ C

[p. 94r]

11

End doe de zelue hoorden dat hy leefde, end van hœr ghezien ware, gheloofden zy het niet.

12

^* Auer daerna verscheen hy in eęner anderer ghestaltenisse tweęen wt hen die dar wandelden, end ouer veld ghinghen.

* Luc.24.b.12

13

De zelue ghinghen oock hén, end boodschapten’t den anderen: end dien gheloofden zy oock niet.

14

^* Ten lesten verscheen hy den eluen, daer zy ⁺ anzaten, end verweet [hen] hœr onghelooue end herthardigheyt, dat zy niet ghelooft hadden den die hem gheschauwt hadden opgheweckt.

* Luc.24.e.35 Ioan.20.e.19 1.Cor.15 a.5

+ Gr. anlaghen

15

End zeyde tot hen: ^* Gaet hén in de gansche wæreld, ⁺ prediket het Euangelium ⁺ aller creature.

* Matt.28.d.19 Ioan.15.c.16

+ Gr. roupet wt.

+ allem schepsele.

16

⁺Wie dar ghelooft zal hebben end ghedoopt zal zijn, die zal zaligh werden: ^* wie auer niet ghelooft zal hebben, die zal verdommt werden.

+ D

* Ioan.3.c.18 end .12.g.48

17

Deze teękens auer zullen volghen den die dar ghelooft zullen hebbben: ^‡ in mynem name zullen zy de duuels wtwærpen: ^* zy zullen mit nieuwen tonghen spreken:

‡ Luc.10.c.17 Act.5.c.16 end .8.b.7. end 16.d.18 end .19.b.12

* Act.2.a.4 end .10.g.46

18

^‡ Zy zullen slanghen verdrijuen: end zo zy wat doodlicks drincken, het zal hen gheęnßins schaden: ^* op de krancken zullen zy de handen legghen, end zy zullen ghezond werden.

‡ Luc.10.c.19 Act.28.b.5

* Act.28.b.10

19

^‡ De Heęr dan na dem hy mit hen ghesproken had ward hénop ghenomen in den hemel, end is ghezeten ter rechter hand Godes.

‡ Lu.24.g.50 Act.1.b.9

[p. 94v]

20

Zy auer wtghegaen, predickten ouerall, ^* dar de Heęr was medewerckende, end het word beuestighende door nauolghende teękens. Amen.

* Act.14.a.3 Hebr.2.a.4