Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Nisi quia Dominus. Psal.Cxxiiij.

§ Die Prophete verhaelt de weldaed Gods, waermit hy de synen wonderbaerlick heeft verlost van der onsinnigheyt des duyuels, end syner ledematen, teghen welcker kracht end listen de gheloouighen niet konden staende blyuen, sonder den bystand des Heeren.

[fol. 127v]

WAere God ons niet voorghestaen,
Israel nv vermonde:
Hadde God niet ons hulp ghedaen,
Als teghen ons opstonden
De menschen, die daer gants end gaer
Godloos syn, si hadden voorwaer,

[fol. 128r]

 

 

Ons leuendigh verslonden.

 

 

 

Want sy woedden teghen ons fel.

 

Wy waren schier versoncken:

 

Als door een waterbeke snel.

 

Waerɇ onse siel verdroncken.

 

Als stranghe waterbaren slaen,

 

Syn sy na onser siel ghestaen,

 

Des moest God onß erbarmen.

 

 

 

Lof God die ons niet ouergaf

 

Tot roofdeel huerer tanden,

 

Als een voghel den strick komt af,

 

Is onse siel wt banden

 

T’strick is ontween, end wy syn vry,

 

Des Heeren name staet ons by,

 

Scheppers hemels, end ęrde.