Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Laetatus sum in iis. Psal.Cxxij.

§ Dauid verhueght sick ouer het opgaen na Ierusalem: een verkoren plaetse tot den dienste Gods. Beschryft huer goede ordeninghe end bidt voor hueren voorspoed.

Singt op die wyse des lij. Psalms.

ICk bin verblydt, doe sy my han gheseyt,
Laet ons mit vliet tot s’Heeren huys opgaen,
Ierusalem, die daer bist fyn bereyd,
In dyn poorten sullen onß voeten staen.
Ierusalem is doch seer wel ghedaen,
Wel ghetimmert, als een stad gaer vol eeren,
Daer de menschen door eenigheyt vermeeren.

Tot welckɇ opgaen de gheslachten ghemeyn
Gods gheslachten, dat huys Israels vroom,
(Waertoe verbonden is, so groot so kleyn),
Om Gods name lof te belyden koen.

[fol. 126v]

 

Want daer staen de stoelen om recht te doen,

 

Naemlick Dauids huyß stoelen. wilt goed gunnen

 

Ierusalem wel hen diese beminnen.

 

 

 

Vrede moet syn binnen dyn mueren stil,

 

End spoed binnen dyne palaysen frisch,

 

Om myner broe-deren end vrienden wil,

 

Sal ick spreken wat dy voorderlick is,

 

Ouermits dat ickse lief heb ghewiß,

 

End om onß Gods huyß willɇ, in dy ghestanden,

 

Ick sal soecken dyn spoed, in allen standen.