11. ander Psalmen
(1559)–Jan Utenhove–
Auteursrechtvrij
[Folio A1v]
| |
Het Argument des 45. Psalms.Onder de figuer van dat houwelick Salomonis, met de dochter van Pharao, beschrijft ons Dauid hier dat gheestelick houwelick Christi, met zijnder ghemeynte, so Osee,2.ende Ephes.5. staet, ende Dauid bewijst klaerlick, datChristus warachtich God zy, ende oock warachtich mensche. Eructauit cor meum.
I V. My koemt te voren een rede goedt
Die wt dat herte bersten moet,
welck ick den Koninck wil toe-schrijuen,
Mijn tongh is nu
| |
[Folio A2r]
| |
seer wel ghemoedt,
also te dichten met der spoedt,
als een rasch schrijuer konde schrijuen.
Du bist de schoonste die daer leeft
Dynen lippen ghenade aen kleeft
Mits dat dy God seer heeft begnadicht
Gordt aen dijn sweert met grooter kracht
Gheweldich Vorst so groot geacht
Suldy zijn door dijn wonderdaden.
Met spoet rijdt eerlick ouer breyt
Op het woort der warachticheyt
Tot den volcken met grooter eeren
Vergheselschapt met sachtmoedicheyt
End allerley gherechticheyt
Dijn rechte hant sal dy wonder leeren.
Dijn pijlen sullen scherp en hart
Doorgaen dyner vyanden hert
Die volcken sullen voor dy vallen
Dijn throon bestaet doch eewelick
Den stat O God dijns Coninckrijcks
Is des gherechticheyts staf in allen.
Du hebst lief de gherechticheyt
En haet oock allerley boosheyt
Daerom dat dy God bouen allen
| |
[Folio A2v]
| |
Ga naar margenoot+ Dijn
metghesellen heeft ghesalft,
Met der blyschap olij en salf,
Die op dyn lidtmaten moet vallen.
Dijn kleyders wel rieckende zijn
Na Myrrhe, Aloe en Cassi fijn
Wt yvooren palaysen ghenomen
Om dy alwech te maken vro
Der Koninghen dochters daer toe
In dynen dienst ghewillich komen.
Dijn bruyt staet dy ter rechter hant
Verciert met goude van Ophir gent
Hoort dochter siet neycht doch dijn oore
Vergheet dijn volck als dreck en stof
Vergheet dijns vaders huys en hof
Cleeft hem aen hem alleen wilt hooren.
En den Coninck sal dijn schoonheyt frisch
belusten want hy dijn Heere is
Du salst hem dienen ende aenbidden
Die dochter Syri met gheschenck
Ende die de rijckste onder t'volck zijn
Sullen oock voor dijn aenschijn bidden.
T'ciersel der koninghinnen schoon
Is inwendich door s'konincks doen
Haer kleedt is van goude gheulochten
Den Coninck toe sal sy zijn bracht
In kleyderen konstich ghewracht
Met de maeghden die haer steits volghen.
In blijschap en verhoeghing groot
Sullen sy buyten allen noot
In s'konincks tempel ghebracht werden
Voor dijn vaders sullen dy
Kinders zijn die du stellet vrij
Tot vorsten door de gantsche aerde.
Dijns naems met schrijuen wil ick seer
Ghedachtich zijn so lang so meer
Tot alle eewen en gheslachten
| |
[Folio A3r]
| |
Daerom sullen de volcken dy
Belijden eewelick seer blij
End dynen naem altijt groot achten.
|
|