26 Psalmen

Het Argument des Cxxvij. Psalmms.

¶ De heylighe gheest leert dat allen arbeydt aller menschen te vergheefs zy sonder God. Ende dat se gheluckigh zijn, die in alle dinghen op de handt Gods sien: By den welcken hy de menschen vermaent, dat se haer betrouwen op God setten.

Nisi Dominus edificauerit

⁺ Waer Godt niet self dat huys

+ Door de segeninghe gods gheschien alle dingen niet door onzen arbeydt.

[p. 48]

 

oprichtt,

 

End besorght alle dingk daer inne:

 

So is mit ons niet wtghericht,

 

Uerloren is kracht mit sinne.

 

Alle moyte end sorgh vergheefs oock gaet,

 

Als s’Heeren hulp ons niet by staet,

 

Alle arbeydt is verloren.

 

 

 

Waer God niet zelf bewaerdt die stadt,

 

End bouwet torren end muren,

 

Daer helpt gheen gheldt noch menschen raedt,

 

Alle arbeydt is verloren,

 

Waer God de waeck niet self grijpt aen.

 

Ons waken is vergheefs ghedaen,

 

Alle konst end list moet falen.

 

 

 

Daerom merckt op end siet se aen,

 

Die sonder ghelooue hier leuen,

[p. 49]

 

Sy soecken haer broodt mit vroegh opstaen,

 

Dat God so niet wilt gheuen,

 

Den godsgheloouighen sulcks gheschiedt,

 

Ia slapende al en sorghen zy niet,

 

Die haer op hem verlaten.

 

 

 

⁺ Des lijfs vruchten zijn kinderen veel,

 

Uan God tot eender eruen.

 

Dien hy tot loon gheeft wien hy wil,

 

End laet niemandt verderuen.

 

Mit zeghen hy alle dingk veruult,

 

Door hem alle noodtruft wordt ghestilt,

 

Wt rechter ghenade ende ionste.

 

 

 

Die pijlen zijn in’s Roesen macht,

 

Als hy wil gaan ten strijde,

 

En schiet die waer hy heeft ghedacht,

 

Recht voor hem of ter sijden:

 

So zijn alle menschen iongk ende aldt,

 

In s’Heeren handen ende ghewaldt,

 

Hy wilt se alle besorghen.

 

 

 

Laet ons dan betrouwen op zijn woordt,

 

En mercken op zijn handen:

 

Hy sal ons helpen nu end voort,

 

Dat wy niet gaen tot schanden:

 

Den koker hy ons vullen sal,

 

So hebben’t wy ghewonnen al,

 

Uoor onse vianden alle.

+ DE menighfuldigheyt der kinderen is een segeninghe gods ghelijck oock alle ander dinghen,