25 Psalmen
(1557)–Jan Utenhove–
AuteursrechtvrijDeus venerunt gentes.I. V. | |
[pagina 31]
| |
Ga naar margenoot+ De heydens syn O Heer ghekommen
In dyn eerue, end hebben besmet
Dynen tempel: end tot steinen hoopen
Hebben Hierusalem verset,
Ga naar margenoot+ Sy hebben dyner knechten lichaemen
Den voghelen tot spys ghestelt,
End
| |
[pagina 32]
| |
t’vleesch dyner trauwe dienaren
Den dieren des velts voerghestelt.
Als water hebben sy vergoten,
Haer bloet, ront om Hierusalem,
Daer was oock (d’welck ons heeft verdroten)
Niemandt die se heeft ten graef ghedaen,
Tot eenen spot syn wy bedeghen,
Onse nabueren groot ende kleyn,
Tot eenen lachter wy daer leuen,
Den ghenen die omtrent ons syn.
Ga naar margenoot+ Hoe lang Heer sal dyn gramschap dueren,
End als een vier ontsteken syn?
Wilt dyne toornicheyt doch stueren,
Ouer t’volck dat dy niet bekent,
End ouer rycken die niet hebben,
Dynen naem oyt gheropen aen,
Want sy, Iacob verslonden hebben,
End syn woenst gaer te niet ghedaen.
Ga naar margenoot+ Wilt nu voortaen niet meer ghedencken,
Ons ouder sonden schult end pyn:
Dyn ghenade haestelick laet blincken,
Ouer ons, want wy ellendich syn,
Doet ons bystant o God ghehuldich,
Allein om dyns naems wil end eer,
Uerlost ons, weest goed end geduldich,
Ons sonden om dyns naems wil Heer.
Ga naar margenoot+ Waerom souden de boose scharen,
Segghen, waer is haer God? daerom.
| |
[pagina 33]
| |
Wreeckt in ons ooghen, dyner dienaren,
Bloet t’onrechte ghestort alom,
Tot dyn anschyn laet kommen t’suchten,
Der gheuangenen end laet fyn,
Doer dyn kracht vry leuen end vluchten,
Die tot der doodt gheeychent syn.
Wilt onse nabueren verghelden,
In haren schoot, Heer seuen faut,
Den laster daer mit sy dy quelden,
End schand die se dy andeden staut,
Ga naar margenoot+ End wy dyn volck by dy ghepresen,
End het kudde dyner weyden breyt,
Sullen dy dancken alle weghen,
End prysen inder eewicheyt.
|
|