Samle fersen (= Verzamelde gedichten)

Jun

It moantsje driuwt oan de himel
Yn sulveren wolkjes om;
De beammen steane te dreamen,
As reuzen, stoer, swart en stom.
It fjild, dat dampet fan dauwe,
Leit del yn djippe slom;
Ek de minsken, dead-ou fan it bodzjen,
Siikje rêst yn de fredige plom;
De flaaksblom, sa slûch, slút syn eachjes,
En syn bledsjes teare har om;
Mar bloeiend, myn faam, brekt no iepen
De leafde, dy hearlikste blom!