De schadt-kiste der philosophen ende poeten

[p. 264]

Nievw liedeken; op de wyse:
De nacht heeft met haer duyster kleeden.

O Iupiter seer goedertieren

Medehelpende Vader goed,
Ghy vermeught op vele manieren
Te keeren druck end' tegenspoed,
Neptun', Triton, Ducalion,
Noch sijn huijsvrouw' mochten derẽ niet
Vyt steen ghy haer saed' vermeeren liet.

Al was Io de Maeght in d'wanghe

Van Argus hondert Ooghen snel,
Ghy soudt Mercurium eer langhe
Die heeftse hem onttoghen wel,
De uwe macht, haer weder bracht
Tot d'eerste Staet end' volharden reyn
Iunoos nijt doen terstont werden, kleyn.

Al hadd' Cassiope vermeten

Te sijn schonder dan d'Zee Godinn'
Ghy hebbet geringhe vergheten
Gaeft d'Hemelsche Perseus inn'
Dat hy gansch trouw, verlossen sou
Andromeda die ghegheven was
't Monster dat hy beuam 'tleuen ras.

Venus beed' hebt ghy noyt verstooten

ghevende aendachtich ghehoor,
Dardanus beroomde ghenoten
Vwe jonste, stellende voor
Anchisen Zoon AEneas schoon
Nae dat hy verliet 't gheroofde lant
Brenghende tot het beloofde pant.

Prince.

Vlysses, Prins, gingh langhe dolen,

Maer ghy bracht hem ten eynde fijn
Ongheschennet vuyt Circes holen
Penelope opt Hoffin't zijn,
Philemon grijs, als Bauci wijs
Gheluckten ten best nae wensche al,
Zoot't oock doen ijder vroõ Mensche sal.

Keyser van 't Govtsblomken,

Wt Ionsten begrepen Ghoossen Corneliss Bot

't Wel leven is Kvnst.