[Goudbloem.]
Sonnet
HIER gheen, soo reen, als ghy Rethorica verheuen,
VVant claer, voerwaer, ghy baert, veel lieffde metter spoet
Ghy lockt, en trockt, met lust, wt Viluordia soet,
Seer snel, en wel, gemoet, t'Gou-Blomken sonder sneuen.
Met maet, naer staet, van ons, quaemen wy aen gedreuen
Certeyn, int pleyn, aldaer, met vyff Trompetters vroet,
Elck was, daer Ras, gewis, te peert, maer niet te voet
Men vant, playsant, daer noch, te peert, twee meer dan seuen.
Noch jent, present, alhier, waeren d'Harouten koen,
VVel net, geset, te peert, noch eenen waghen groen,
Daer in, den sin, verstaet, vier peerden wilt bevroyen.
Men schoot, daer bloot, oock wt, viseyen ombevreest
VVel weert, te peert, noch twee, met heytsen smaeckt den keest
Den thoon, seer schoon, en fris, de daer de lieffde groeyen.
Nyet sonder Godt.
| |
Auteursrechtvrij
