De schadt-kiste der philosophen ende poeten

[p. **3r]

De Peoene Tot die Edele Wyse ende seer Voorsinnighe Heere, ionckheer Ioos vander Hoeven

Ridder, Out Borghe-Meester der Stadt Mechlen ende Hooftman haerder Gulden.

Iont my Minerva vroet Vlisses cracht in Reden,
Om prijsen mijnen Heer, sijn wijsheyt ende seden,
Om prijsen hem die my als Hooftman seer bequaem
Sorgh-vuldich-lijck behoet voor laster ende blaem.

Vrania comt voorts wilt d'Edel Heere groeten
Amphion met v spel hulpt hem oock me ontmoeten,
Nayaden, Nimphen, velt Goddinnen 'tis nu tijt;
Danst, sprinckt al om en dom, de Groene Laverieren
Evterp sal op haer Fluijt, lief-lijcken tiere lieren
Roept Dat hy langhe Leeft, die de Peoen verblijt.

Hipocren ouervloyt van Goddelijcke gaeuen,
Om Heere uwen Geest, Const-dorstich te vol Laeuen
Echo die weder galmtt, elck Vander Hoeven prijst;
Vertvmnvs en Pomon die comen met haer vruchten:
Erynnis heel vergramt, die moet daer afjonst vluchten
Nyt knaecht haer eyghen herdt om dat m' v eer bewijst.

In principio erat Verbum

Troost V in Godt.