De schadt-kiste der philosophen ende poeten

(1621)–Jan Thieullier– rechtenstatus



[pagina *4v]
Sonet. COmpt Goden Altemael, helpt oock den hoop verstercken Ter eeren die Peoen, Al in het Mechels Pleyn Daer Musica verghaert, met Redenrycke reyn VVaer Midas wordt veriaecht, van Poeten en Clercken. Elck singht daer fraey en soet, soomen daer can aenmercken Met minnelyck accoordt, door Lieffde int ghemeyn Elck dunckt te wesen by, Castalius fonteyn Het is al vol ghenucht, elck brenght hier vry sijn wercken. Der Philosophen leer, werdt nu ghepronunceert Oock met die Poesij, die elck oock wel begheert Men siet daer vieren bou, om triumph' te betoonen. Die Iugen sietten daer, den Mey staet int saysoen Die Lauwers sijn bereyt, die selden sijn ongroen Die dan den prijs verdint, die salmen daer met Croonen. Selden ongroen Lavwers.