Devote oeffeninghe op de vijf lettere van de soete ende alderheylichste namen Iesus ende Maria

[p. 500]

De Psalmen die in de H. Kerck ghebruyckt worden, in de Vesper ende Compleet, op de Sondaghen ende H. daghen.

Dominica ad Vesperas.

Psalmus 109.

Dixit Dominus Domino meo: Sede à dextris meis.

Donec ponam inimicos tuos: scabellum pedum tuorum.

Virgam virtutis tuae emittet Dominus ex Sion: Dominare in medio inimicorum tuorum.

Tecum principium in die virtutis tuae in splendoribus sanctorum: ex utero ante luciferum genui te.

Intravit Dominus, & non paenitebit eum: Tu es sacerdos in aeternum secundum ordinem Melchisedech.

Dominus à dextris tuis: confregit in die irae suae reges.

[p. 501]

Iudicabit in nationibus, implebit ruinas: conquassabit capita in terra multorun.

De torrente in via bibet: propterea exaltabit caput.

Gloria Patri, & Filio: & Spiritui sancto

Sicut erat in principio, & nunc, & semper: & in saecula saecuorum, Amen.