Devote oeffeninghe op de vijf lettere van de soete ende alderheylichste namen Iesus ende Maria

[p. 347]

Eenen anderen Lof-sangh.

Op de wijse: O Heyligh-eeuwigh God.

Maria, Maghet reyn,
Schoon, Suyver, klaer fonteyn,
Godts Tabernakel schoone:
Wy menschen, groot en kleyn,
Loven u al ghemeyn,
Met sangen soet van thoone.          Wy menschen, etc.

Schoon als den dagheraet,

Met Goddelijck cieraet,
V licht is klaer in’t blincken,
Want ghy altijdt by-staet
Met troost, vroegh ende laet,
Die uwen lof doen klincken.          Want, etc.

Ghy zijt ons levens vreught,

Daer Godt in heeft verheught.
Want, boven alle Vrouwen,
Sijt ghy vol aller deught,

[p. 348]

 

Naest Godt ghy veel vermeught,

 

Ghy helpt ons uyt ‘tbenouwen.          Sijt ghy, etc.

 

Vol van ghenaden zijt

 

Ghy, en ghebenedijt,

 

Maria hoogh verheven:

 

Dus seggh’ ick onvermijt,

 

Den ketterem tot spijt,

 

Gunt ons het eeuwigh leven.          Dus, etc.

 

Princesse Maghet wijs,

 

Aarons bloeyend’ rijs.

 

Lof moet u altijdt wesen:

 

V zy eer ende prijs,

 

Met Lof-sangen propijs,

 

Reyn Maghet uyt-ghelesen.          V zy, etc.