Devote oeffeninghe op de vijf lettere van de soete ende alderheylichste namen Iesus ende Maria

Laet ons bidden.

Almachtighe eeuwighe Godt, die in alle uwe wercken wonderlick sijt, ende in uwe Apostolen wert ghy ghepresen glorioos: uwe volck dat door haer predicatie ghelovende is, wilt beschermen: Ende gheeft, dat wy door haer ghebeden in een heylighen roep mochten ghestiert werden, wiens ghedenckenisse wy met een danckbaer hert vereeren.

O Heere bewaert uwe volck, ende wiltse beschermen die op den hulp van uwe heylighe Apostolen betrouwen.

Wy bidden u Heere, wilt uwe ghemeente een bewaerder ende heylichmaecker wesen, ende die van alle kanten met quaet werden

[p. 261]

onrustich ghemaeckt, gheeft, dat sy beschermt sijnde, door uwe Apostolen voorstandt, u dienen met een behaechlick leven, ende gheruster herten. Door Iesum Christum onsen Heere uwe Sone, die met u leeft ende regneert in eenicheyt vanden Heylighen Gheest, God in alle eeuwigheden der eeuwicheden, Amen.