Refereinenbundel, Anno 1524

[p. 327]

Refereyn XLIII
Conuersacie doet ionst en vruecht vermeeren

Mocht ic ic soude myn lief in goude slaen
Mocht ic ic steldese in enen throne
Mocht ic sy soude op lelyen gaen
Mocht ic sy droech een gulden crone
Mocht ic ic scierdese mit peerlen schone
Mocht ic sy waer der werlt vrouwe
Mocht ic goeds inghelen souden wten trone
myn liefste bewaren altyt nouwe
⁺mocht ic ic bespreydese mit hemelsce douwe
mocht ic alle vrouwe sonder haer eeren
mocht ic ic gaue haer enen berch van gouwe
tgheuoele can mij dese teeme leeren
conuersacie doet ionst en vruecht vermeeren

Jnwendich soe dwerck voer oghen wrocht
sy passeert venus pallas iuno ende diane
niet en beseffic dat haer misuocht
mer groet ende schoenheden als die swane
Soe die sonne meer lichts geeft dan die mane
geeft sy bouen andere vrouwen cracht
In mijn herte alsoe eest te verstane
niemande blammerede dach noch nacht
My dunckt dat sy al rooskens lacht
haer woerdekens doen druck in troost verkeren
In spyte vileynen nydich gheacht
buckachtighe gronden rasende beere
conuersacie doet ionst en vruecht vermeren

Als liefs handen mit handen die handen spoelen
Als liefs oghe naer doghe die oghe besien
Als liefs monde by monden die monde gheuoelen
Als liefs wanghe bi wanghe die wanghe bien
Als liefs sinnen in sinnen die sinnen verblien

+ Fol. 56 (xlv^v

[p. 328]

 

⁺Als liefs borsten die borsten op borsten wryuen

 

Als liefs lyueken aen lyuekens lyf ionstex lyen

 

Als liefs azemkens in azemkens aesen dryuen

35

Als liefs herten mit herten in herten bliuen

 

Als liefs wille doer wille in wille verseeren

 

soe mach ic wel dese conclusie scrijuen

 

ende openbaer segghen voer vrouwen ende heeren

 

conuersacie doet ionst en vruecht vermeeren

 

 

 

Prinche

 

 

40

Noch segic voer oude ende ionghe

 

totter doot toe en sal ic niet faelgieren

 

om dat mij kittelt op myn tonghe

 

wie dat coomt by venus camerieren

 

conuersacie doet ionst ende vruecht hantieren

+ Fol. 57 (xlvi)