Refereinenbundel, Anno 1524

Reffereijne CCXLIII
Steeckt van verre ic heb luttel an

⁺EEn vrouken dat ghern ghenuecht orboort
heeft op gehanghen een prijs om tsteken
Een ionghelinck cloick heeft dat ghehoort
hij wou een speerken teghen haer breken
Hy boot haer die hanschoe dat wou sij wreken
sy was hem ter stont bereet tontfane
Mer van te voren wou hij bespreken
dat sij hem soude leueren scildt ende bane
Ick meender seijdhij mijn helm aen te slane
want ghy moet weten wat ick can
Hy meende rechteuoort tusscen die knien te gane
Doen spracse tis al anders te verstane
steect van verre ic heb luttel an

Die ionghelinck was opt steken rasch
want hij was cloick ende wel ghemoet
Ick hangher seijdhij mijn geheel harnasch
steeck ic niet doer den scilt int roet

+ Fol. 324^v (cccxvii^v)

[p. 215]

 

Mijn speer is dick ende wel gheuoet

 

noyt man en verlanghede meer om campen

20

Voren ront al waert een cloit

 

en achter hanghender aen twe clampen

 

Soudict verliesen twaer veel rampen

 

noijt man soe cloeckelick strijt en verwan

 

My leekens syn ghesont voer coortsen voer crampen

25

Doen sprac tvrouken men begint hier te scampen

 

⁺Steeckt van verre ick heb luttel an

 

 

 

Om steken had hij een goet ghestel

 

des had sij in haer hertgen groot riueel

 

Hij woude rechteuoort mitten speer int vel

30

sijn winpel hinc hij voer haer casteel

 

Voordie achterpoort geeftmen tijneel

 

daer menich ruyter ter poorten wt spranck

 

Ende voer die doere van een prieel

 

daer scermtmen nae den vrouwen danck

35

Daer was ghemaect een schoon behanck

 

van leufens het sach menich man

 

Tot haer maeckte hij sijnen ganck

 

Mer altijt was der vrouwen sanck

 

steeckt van verre ick heb luttel an

 

 

 

Prinche

 

 

40

En trouwen this goet te weeten

 

diet tspel verliest datment hem verwijt

 

Niemant en pijn hem te hooch te vermeten

 

der vrouwen streken houwen strijt

 

Der vrouwen scildt niet lichtelic en splijt

45

hy is beter in te steken dan een wan

 

Om steken was des knapen appetijt

 

Altijt tvrouken sonder respijt

 

steect van verre ick heb luttel an

+ Fol. 325 (cccxviij)