Refereinenbundel, Anno 1524
(1930)–Jan van Stijevoort–
Auteursrecht onbekend
[pagina 208]
| |
5[regelnummer]
Doer v valsch bedryf most Abel smaken
de doot van Caijm sijnen broeder wreet
Doer dronckenscap sachmen Holofernum gheraken
van Judith die hem syn hooft af sneet
Dronckenscap bracht Sampson oec int leet
10[regelnummer]
dat hij syn cracht verloos mit valschen rade
Van Dalida / noch vindick goet bescheet
Balthezaer wert vermoort sonder ghenade
dus is dronckenscap moeder van allen quade
Wat doedj ter werlt dat meer mishaghen es
15[regelnummer]
Ga naar margenoot+daermen meest mede wert beghect bespot Ga naar voetnoot15
This onreijn dronckenscap die vuijl om draghe es
dootsondich theghens tgodlijck ghebot
Sweren vloicken ende af scheen van god Ga naar voetnoot18
ouerspel luxurie boeuerye en scande
20[regelnummer]
Tornich manslachtich dul en sot
steldj scandelick ziel en lijf te pande
Duer dronckenscap ghescien wercken menigerhande
deen int goet dander int quaet van smade
Spuwen / siecten / corrosijf / mit hittigen brande
25[regelnummer]
crijchdij mits dronckenscap quaet van dade
dus is dronckenscap moeder van allen quade
Goet doen is goet/mer quaet doen en can niemant prysen Ga naar voetnoot27
dronckenschap is sonde wie datse doet
Al doedi gheen quaet / daer mach quaet wt rysen
30[regelnummer]
hoe kan men sciencie hebben / wysheyt ende vroet
In dronckenscap wie hout goeden voet
quaet eij quaet cuijken / sulc vracht sulc last
Droncken drincken maect al quaet bloit Ga naar voetnoot33
drinctj droncken siet watter v af wast
| |
[pagina 209]
| |
35[regelnummer]
God verdrinctghi / ist dan niet wel ghebrast
storfdj daer inne ghi creecht thelsche ghebrade
Dus laet dronckenscap / drinct sober alst past
merct onthout mijn lere vroech en spade
dronckenscap is moeder van allen quade
Ga naar margenoot+Prinche
40[regelnummer]
Dat Noe syn kinderen vermaledyde bloot
quam wt dronckenscap die hy dede
Daer hy sliep elc hem besiende bloot
Sem Cam Japhet wreet van sede
Toonden daer sy scamelheijt te dier stede
45[regelnummer]
seggende merct onsen vader tdroncken swijn
Goods maledictie duer svaders bede
dede punicie tmost also sijn
Loth violeerde sijn dochter als een cockijn
duer dronckenscap die hem verblinde gherade
50[regelnummer]
Dus schuyt drincken ende merct dat fijn
vliet die sonden ende volcht shemels pade
want dronckenscap is moeder van allen quade
|
|