Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereijn CCXVII Tquaetst datter af coomt syn beruoete kinderen Die quaet van venus discipulen clappen mochtic die deedic inder hellen versincken Wat schelet wat bier dat die luden tappen diet niet en ghenuecht en derfs niet drincken Ga naar voetnoot4 5[regelnummer] Al saechdj een ruter een meijsken wincken al saechdise subbelen cussen en lecken Al hoorde ghi vanden bijslach clincken al saechdi die raet camer bloot ontdecken Al saechdi tspit duer die coeken trecken 10[regelnummer] om troost te speten wat macht v hinderen Denct natuere doetser toe verwecken Ende wat wilmen dan scimpen of ghecken tquaetst datter af coomt syn beruoete kinderen Menich moeder loopt roepende zeer verturbeert 15[regelnummer] laci myn dochter sluyt qualic haer beenen Dan seytse myn dochter is gheuioleert ende sij doent self gern / sij lopender om wenen Ga naar voetnoot17 Dits spint goet gaern / sy loopt mer mit enen tis wonder wat syder af te segghen pleghen 20[regelnummer] Ende waer toe sou god die vroukens verlenen Ga naar margenoot+dan om besighen dus woudic dat sij sweghen Dan seytmen tis scande sy heeft haer misdreghen Ga naar voetnoot22 seyt deen quaet dander en sals niet minderen
[pagina 171]
Somtijts wordet al om ghesleghen 25[regelnummer] Wat wilmen dan die sake soe hooch weghen tquatst datter af coomt sijn beruoets kinderen Ghij ionghe wellustighe vroukens wat hebdj al corte achter hiekens Ga naar voetnoot28 Laet dat sadeken sayen inde suete voorkens 30[regelnummer] twort hemelsche veruullighe mit salighe sielkens Laeter voer knielen mit naecten brielkens en acht niet wie dattet werck versmaet Ga naar voetnoot32 Ontfanct v lief tusschen v billekens Ga naar voetnoot33 twort een werck daer alle die werlt bj staet 35[regelnummer] Adam en Eua dedent tes is niet quaet latet theijlichdom in v lamp niet minderen Doetet alst coomt doet mynen raet Ghy siet wel datter niemant af manc en gaet tquaest datter af coomt syn beruoets kinderen Prinche 40[regelnummer] En acht niet suster lujte of bruer coppen die iesus roipt alsmen der af spreeckt Sij makender sonde of soumen een gaetken stoppen mit thelichdom daer die sueten oly wt leect Wie weet wat den vrouwkens ghebreect 45[regelnummer] Ga naar margenoot+dan diet self draecht hij voijlt die pijne Die de speren doet comen daermen mede steect elc na sijn siecte suect medicijne Die my syn dinck leende / ic leende hem dat mijne Ga naar voetnoot48 al sout oec in seuen stucken splinderen 50[regelnummer] Doet v beste knaep ic doet tmijne Wilt altyt wercken in venus doctrijne tquaetste datter af coomt syn beruoits kinderen	voetnoot4 de d van derfs verb. uit t voetnoot17 de ij van het tweede sij verb. uit o (?) margenoot+ Fol. 298^v (ii^c lxxxix^v) voetnoot22 de D van Dan verb. uit S voetnoot28 na achter is hillekens doorgehaald. voetnoot32 het eerste staafje van de m in niet verb. uit het eerste gedeelte van w voetnoot33 de i van lief verb. uit e margenoot+ Fol. 299 (ii^c xc) voetnoot48 na ic is hee doorgehaald.

Vorige Volgende