Refereinenbundel, Anno 1524
(1930)–Jan van Stijevoort–
Auteursrecht onbekendReffereijne CCIII
| |
[pagina 144]
| |
Al saechick den Troianen druck verweruen
5[regelnummer]
Al saechick den Griecken in Troijen eruen
ter cause van Helena Paris lief
Al waert dat ick al den druck besief
Soe es veel groter mijn ongherief
diet wel verstonde
10[regelnummer]
Want een die ick int hert verhief
gheeft mij wonde
Trouwen ic en wijts niet haren roden monde
Mijn onghesonde / al heb ic te gronde
Ga naar margenoot+mijn liefde gheworpen in haren schoot Ga naar voetnoot14
15[regelnummer]
Mer dat ick veel ander parabolen ontbonde
had icse noijt ghesien ten waer gheen noot
Als ic mijn oghen opslae in haer ghesichte
Julia en blincte niet soe claer van lichte
doer dminlick ghesichte van Pompeyum stout
20[regelnummer]
Haer wesen verblijt mij al euen dichte
Dinckende dit moet sijn der gooden nichte
want sij passeert ghelijc den dijamant dat gout
Om waertsegghen haer woorden maken mij bloit cout
Als haer tonghe te mywaerts relt menichfout
25[regelnummer]
in minlyker spraken
Al ist dat mij somtijts mijn lijden rout
ick moet twel smaken
Al mach ick snachs om haer omhelzen haken
Fantezeren waken onghenuechte maken
30[regelnummer]
sij ist mij wel werdich al ist totter doot
Mer als ic wel ouerdenck alle saken
had icse noyt ghesien ten waer gheen noot
Mijn lijden is veel bracker dan breijne Ga naar voetnoot33
Niemant en mach mij gheuen medicijne
35[regelnummer]
van mijnder pijne / dan ghij beelde soit
| |
[pagina 145]
| |
Slacht doch Dijdo duechdelick van schijne
die Eneam vertrooste in syn onspoit
Noch meer blaeckt in my der minnen gloit
Ga naar margenoot+Dan tSalamandra dat hem te brande doit
40[regelnummer]
nochtans niet en vergaet
Sghelijcks mijn liefde gheduerich bliuen moet
euwich in die daet
Men siet dat minne gheen rust en ontfaet
Jnder minnen graet / sonder verlaet
45[regelnummer]
mij seluen quellende dat toocht hem bloot Ga naar voetnoot45
Noch seggick volghende der poeten raet
had icse noijt ghesien ten waer gheen noot
Princhesse
Denckt toch wat mijn herte lijdt
dat altoos aerbeijt nae uwen danck
50[regelnummer]
Ghij blijft in mij ghesloten tot alder tijt
Ghelijc die schone Sara ghebenedijt
int diepste der herten van Tobiam sanck
Barsabea noijt Dauid soe in minnen dwanck
Ghelijc v aenschijn blanck
55[regelnummer]
mijnen vrijen wille mij heeft ontoghen
Al blijfick v eijghen mijn leuen lanck
ic wijtet mijn oghen
Ick hebt tverdriet ghesoghen ic moet gedoghen
al waer den aerbeijt noch dusentmael so groot
60[regelnummer]
Wat soudic veel anders segghen moghen
had icse noyt ghesien te waer gheen noot
|
|