Refereinenbundel, Anno 1524
(1930)–Jan van Stijevoort–
Auteursrecht onbekendReffereijn CCII
| |
[pagina 142]
| |
In lijden bin ic seer onuerduldich
5[regelnummer]
En traech tuwen dienst ken ic mij sculdich
dus bidick v reijnicht mijn sondich quaet
Want ic bekenne mijn grote misdaet
dat ic in v ghesondicht heb alleene
Daer en weet ic gheen ander toeuerlaet
10[regelnummer]
dan op v godlyke gracie rene
Luttel duechden heb ic ghedaen of ghene
dus bidic v geeft mij erm sondaer respijt
Tot dat ic myn sonden groot en clene
Hier in dit dal mit tranen bewene Ga naar voetnoot14
15[regelnummer]
ende vergheeft mij mijnen verloren tijt
Aensiet dat ic bin ontfaen in sonden
Daer ons Adam erflic liet in ghebonden
ende mijn moeder heeft mj in sonden begort
Wordic dan als mensche ghebrelic vonden
20[regelnummer]
Bespraijt mij heere duer v heijlighe wonden
reijnder dan snee word ic seer cort
V godlijke gracie soe in mij stort
op dat ic v mach dienen heere der heren
Of dmenschelijke natuere hier broos in wort
25[regelnummer]
wilt my den wech der volstandicheijt leren
V aenschyn wilt van myn sonden keeren
Ga naar margenoot+en maect mij der sondigher vlecken quijt
Een reyn hert scept in mij sonder versere
Venieut in mij den gheest tot uwer eeren
30[regelnummer]
ende vergheeft mij mijnen verloren tijt
En werpt mij niet heere wt uwen ghesichte
Noch daer toe wt den hemelschen ghestichte
uwen heijlighen geest treckt niet van mij
Verlicht mij doch mit uwen godlijken lichte
35[regelnummer]
Op dat ick mij met duechden berichte
dat die verdoolde bekeren daer bij
Maeckt mij heere van sonden vrij
| |
[pagina 143]
| |
mijn tonghe sal ic tuwen loue bereijen
Op dat ick mijn hert soe waer ick sij
40[regelnummer]
altyt mach tuwen dienste beleijden
Ende mijn sondich leuen hier soe bescreijden
dat ick voorden viant worde beurijt
En laet mij die werelt toch niet verleijen
Op dat ic niet en worde van v ghesceijen
45[regelnummer]
ende vergheeft mij mijnen verloren tijt
Prinche
Ick aerm sondich mensche soick raet in desen
Aen v prince alder hoochst ghepresen
coomt mij te baten maeckt mij ghesont
Opent mijn lippen ick sal ghenesen
50[regelnummer]
Puerlick sal ick v louende wesen
Ga naar margenoot+van daghe te daghe mijn sondich mont
Al es consciencie van binnen ghewont
nochtans laet mij niet in sonden versmoren
Die sonden verootmoedighen den gront
55[regelnummer]
berouwe van sonden heb ick ghecoren
Nu keert heere van mij uwen toren
roipt ende verlost mij wt sviants strijt Ga naar voetnoot57
Ick bid v deuotelick noch als te voren
En laet mij doch niet heer verloren
60[regelnummer]
ende vergheeft mij mijnen verloren tijt
|
|