Refereinenbundel, Anno 1524

Reffereyne CLXXXIX
Al lachende word ick myns gheldekens quijte

⁺MEt groter pijn auont ende morghen
Al swetende nerstich mit dusent sorghen
soe win ick tgeldeken dat ic mach crijghen
Jck cloppe smorghens tylick ic waen verworghen
Win ic vier stuuers men wilt die twe borghen
ic en weet gheen dinck dat ic soe qualic can crijgen
Ende eert ghewonnen es wilment my ontswijgen
ic en sach noit dinc van soe groter cracht ⁸
Ende alst ghewonnen es moet ic stupen ende nijghen
Men soudt my niet geuen wildic langhe swighen
ten worde my nemmermeer thuys ghebracht
Ende als ict vergadert heb mit alder macht
coem ic dan eens tot enen vrolick ontbijte
Als ickt al ghespaert hebbe ende ghewacht
Op twe uren ende enen haluen nacht
al lachende wordick myns gheldekens quijte

Coem ic dan eens onder die schosmuzelen ¹⁷

+ Fol. 265^v (ij^c lvi^v)

8 de c van sach verb. uit l

17 de s van eens boven den regel bijgeschreven.

[p. 116]

 

Jn heymelyke slooten / houen / of prielen

 

daer es alle vruecht sonder miskyfken

20

Ghesoyen ghebrayen volle plateelen

 

Twelc tachterst ontgelde alle myn iuwelen

 

het isser al coomt rusten mijn liefken

 

Ghy syt die wertste och oender diefken

 

⁺tisser al ketelen jocken spelen int bat

25

Jpocras broickskens van als gheriefken

 

Rooswater / sukerken / maer bij gans briefken

 

twordt my int eynde al dubbel ghescat

 

Ende dees ouwe huijsduyuen drincken soe swaren nat

 

sy lachen / sy roipen mit jolijte

30

Mer ten lesten ist paijs van datmen daer dranc of at

 

En tgaet hem alleen te lachen wt mer tleste blat ³¹

 

Al lachende wordic myns geldekens quijte

 

 

 

Gheraec ick dan een potken tsughene

 

Om een cleyn costken een pintken tsughene

35

dan maect mij myn borsse byster ende dorre

 

Mer als ic beghin te rusemusene

 

Ende deen pintgen beghint tander te huysene

 

dan lopet my rechteuoort inden torre

 

Dan ist haelt bier / haelt wijn ghelijc dorre

40

ic en doe niet dan lachen springhen en danssen

 

Die pypers gheuen den pot ooc enen porre

 

Soe comender noch ander vents int ghesmorre

 

sy moeten ghesconcken syn dese hanssen

 

Dan laten sy my winnen twe of drie canssen

45

ick lach ic roip hoe luij ick cryte

 

Ten lesten steken sy my af sonder lanssen

 

Dus al hadict ghewedt om myns wyfs ranssen

 

al lachende wordic myns geldekens quijte

+ Fol. 266 (ij^c lvii)

31 vóór tleste is int doorgehaald en mer erboven geschreven.

[p. 117]

 

⁺Prinche

 

 

 

Sit ic dan alden dach inde mute

50

Ende gaeic sauonts ter merctwert wte

 

sien batementen daer my therte nae haect

 

En speelmtmer dan enighe sotte clute ⁵²

 

Daer gaet my myn troongie in sulcker ontslute ⁵³

 

van lachene dat myn stortgat splaect

55

Soe coomter een guijt die in myn bors geraect

 

ende vloyt myn myn noppen denct propelic daer

 

Jc lach ic en peijs niet wat hij maect

 

Mer al lachende worden mij myn scyuen ontscaect

 

twelc ic iammerlic beclaghen moet naer

60

Dus hoe ickt make heymelic of openbaer

 

ic en can behouden halder noch mijte

 

En sal ic tgelt gecryghen tvalt my swaer

 

Ende ic wint mit groten aerbeyt / maer

 

al lachende wordic myns geldekens quijte ⁶⁴

+ Fol. 266^v (ij^c lvij^v)

52 de t van speelmtmer verb. uit eene onvolm. e en de n van dan uit eene volm. e

53 de r van sulcker boven den regel bijgeschreven.

64 de l van lachende verb. uit het eerste gedeelte eener a