Refereinenbundel, Anno 1524

Reffereijn CLXXXVIII
Al holt mijn kerre sij en valt noch niet

FAntazye ende ijmaginacie
Syn dickwils des herten recreacie
alst therte in recreacie es laborerende
Ic ghinghe tes leden een langhe spacie
Wandele ende mijn excusacie
⁺was tyt verdrijf / die my hielt spacierende
In myn seluen was ick veel dincks gronderende
altemet ouerlegghende nu suer nu suet ⁸
Druc wies / niet dat ic was declinerende
ende tot climmen en haddic maniere noch spoet
Thooft inde hant soe die bedructe doet
soe claechdic mij seluen mijn selfs verdriet

+ Fol. 264^v (ij^c lv^v)

8 het eerste staafje der n in nu vóór soet verb. uit het begin eener e

[p. 114]

 

Luttel troost vantic mer hoop was goet

 

dies peynsdick weder ende greep een moet

15

al holt myn kerre sy en valt noch niet

 

 

 

Dus continuerende myn fantazije

 

Myn oghen in deerde myn hert niet blije

 

myn handen dicwils verhalende met och

 

Hoope / ducht / ende melancolije

20

Die dwonghen mij tsamen alle drye

 

al was de wille goet therte claechde noch

 

Ick voude myn armen / vliet van mij doch ²²

 

sprack ic ghepeys / ghy breect mij thoot

 

Ghy brenct my voeren mijns vrients bedroch

25

dies therte verswaert ghelijc een loot

 

Och vrienden die vrienden sijn ter noot

 

syn meer te prysen dan anders yet

 

Noch hoopic myn vrienden en syn al niet doot

 

Vaert wech fantazije laet lopen den cloot

30

⁺al holt myn kerre sij en valt noch niet

 

 

 

Hoop ende twijuel bedriuen groot ghewelt

 

Daer ic sat bleef myn hert ghequelt

 

van tsuchten bedeckt het mocht verswijnen ³³

 

Ic peijsde lacen hoe ist dus ghestelt

35

Sietmen dat yemant sijn kerre helt ³⁵

 

elc salse om te stoten pijnen

 

Mer ghincse recht tsouden al vrienden schijnen

 

ende houden altyt die handen der kerren omtrent ³⁸

 

Ter noot kentmen vrienden ende elc die sijne

40

in wederspoet woert elc synnen vrient bekent

 

Myn ghepeys verswaert myn vruecht die ent

 

als ic dencke dat my dus es gheschiet

22 de i van vliet verb. uit e

+ Fol. 265 (ij^c lvi)

33 boven de c van tsuchten staat eene punt.

35 de a van dat verb. uit e

38 de e van omtrent verb. uit o

[p. 115]

 

Mer moetet dus syn ick blyfs content

 

Segghende alsoe ick bin ghewent

45

al holt mijn kerre sy en valt noch niet

 

 

 

Prinche

 

 

 

Ten baet keers noch toortse

 

die sommighe verdoolt wel hoe nouwe hy siet

 

Al ist nu myn ghebuerte nonfoortse

 

al holt myn kerre sy en valt noch niet