Refereinenbundel, Anno 1524

Reffereijne CLXXXV
Die nijdighe quetst hem seluen meest

FEra pessima es een quaet // dier
En tfelste daermen in enigher stadt // fier
tsy int oude oft int neuwe testament
mach worden bekent
Wat was Fera anders dan haet // hier
Een grote nydicheyt / die in alder dat ghier
joessephs broeders hoe datment keert of went ⁷
meest hebben gheschent
Al hebben sy wt nijdicheyt Joseph versent
sy bleuen inden druck en Joseph niet
Sghelijcks merckt oec aende nydighen vent
judas scarioth die Jesum verriet
Cristus is in glorien hy int verdriet
syn woonstadt is nu inden helschen tempeest

7 de eerste e van joessephs boven den regel bijgeschr.

[p. 108]

15

Dus seggick nae datmen daghelicks siet

 

⁺die nijdighe quetst hem seluen meest

 

 

 

Al was pharao quaet en in sijn opstel // heet

 

Opt volc van jsrahel hem naecte een fel // leet

 

die punicie keerde te hemwerts stranck

20

want hij verdranck

 

Herodes nijdich quaet en rebel wreet

 

Wou xpistum doden soe elck wel weet

 

dies hem doer eens appels bete ontsanck

 

sijn keele toewranck

25

Anthiochus leet oec een soe swaer gheianck

 

want die wormen hebbenten leuende gheten

 

Adonijas teghen dauid syns vaders danck

 

wou hem die croone sijns vaders vermeten

 

Dies hij gheplaecht worde en doot ghesmeten

30

van Absolon sijnen broeder onbeureest

 

Dus seggick noch elc macht wel weten

 

die nijdighe quetst hem seluen meest

 

 

 

Absolon duer sijn onbekenthede

 

Dauid sijnen vader swaer torment dede

35

dies hy aen een eijcke doer sdoots verstranghen

 

self bleef verhanghen

 

Holofernes nijdich bleef gheschent mede

 

Aman duer sijn nijdighe verblenthede

 

⁺die hy op mardocheum hadde ontfanghen

40

leet selue die pranghen

 

Want hij een galghe int nijdich verlanghen

 

voer Mardocheo hadde doen maken

 

Mer Amon nydich als bloit van slanghen

 

moest daer selue die doot aen smaken

45

Archithophel wt nijdighe saken

 

verhinck hem seluen en gaf soe sijnen geest

 

Dus blyfick daer by soe wy eerst spraken

 

die nijdighe quetst hem seluen meest ⁴⁸

+ Fol. 261 (ij^c lij)

+ Fol. 261^v (ij^c lii^v)

48 na de e van nijdighe is het begin eener q zichtbaar.

[p. 109]

 

Prinche

 

 

 

Nydicheyt en can niet gheweeren tgoet

50

Mer tnijdich herte hem seluen meest deeren doet

 

want hy keert ghenuechte solaes en vruecht

 

in rechter onduecht

 

Nijdicheit maect oec die sinnen mishuecht

 

nijdicheit tbloet der herten teeren doet

55

Nydicheit maect haet en doet besweren tbloet ⁵⁵

 

en crencken de juecht

 

Dus schout nijdicheit soe ghy best muecht ⁵⁷

 

ende voer nijdicheit broederlijke minne teest

 

Wie anders doet is seer ontuuecht

60

want die nydighe quetst hem seluen meest

55 de l van tbloet verb. uit o

57 de D van Dus verb. uit E