Refereinenbundel, Anno 1524
(1930)–Jan van Stijevoort–
Auteursrecht onbekendReffereijn CXLIV
| |
[pagina 17]
| |
Waer hadde oyt stede soe schoon manieren
10[regelnummer]
waer was versekert oyt sulcke stadt
Waer waren ye vloyende sulcke riuieren
die alle verdroochde / bedouwede nat
Wie heeft oyt dese condicien gehadt
nae oft voor elc vraecht clergije
15[regelnummer]
Meer dan ghi moeder dies wy om dat
v segghen mit groter melodye
Gloriose stede goods lof marye
Ghefondeerde stede hoochst / best / ende meest
theylighe gheberchte heft v ghegreijt
20[regelnummer]
Inden vader den soon den heylighen geest
daer hebdj den eersten steen gheleijt
Ga naar margenoot+Dies ghi mit rechte / wel hebt gheseyt
ghewoont heb ic / int hoochste van al
Arphaxats stede wiens moghentheijt
25[regelnummer]
nemmermeer gheen heer myneeren sal
Tseuentich cupitus soe hiel tghetal
de hoochte des muers / dies wij verstaen Ga naar voetnoot27
Die seuen giften reyn maechdelick dal
des heylichs geests v onderdaen
30[regelnummer]
Ende dertich dicke doen ons verstaen
tgheloue der driuoldigher heerscapije
Vif cardinale duechden hebben beuaen
die steene viercant dies ick v belye
Gloriose stede goods lof marie
35[regelnummer]
Iherusalems muere op wien ghestelt / sijn
wachters v nemmermeer begheuende
Twelc syn goods ingelen die onghetelt syn
mit loue v ewelick aen cleuende
Ende uwe heylighe ghepeynsen leuende
40[regelnummer]
syn die waechusen van vromer nacien
In wiens stadt gheen lyftocht en is sneuende
want daer es volheyt van godlyker consolatien
| |
[pagina 18]
| |
Die prince van uwer hogher fundacien
Ga naar margenoot+es de coninck der coninghen heere der heere
45[regelnummer]
Twelc ghi ons moeder fonteyn der gracien Ga naar voetnoot45
int magnificat coent hoochelyck leeren
V oetmoedich herte es tbreede verkeeren
der merct vry van alder vylonije
Daer alle salighe by moghen vermeeren
50[regelnummer]
in duechden dies seyt myn fantasije
Gloriose stede goods lof marie
O edele stede dats edelheyt groot
niemants erue / dan god alleene
O moghenste stede / die in hem sloot
55[regelnummer]
die hemel ende erde toe hoort alleene
O clare stede van sonne of mane gheene
ghebreken dats mensche of inghelick staet Ga naar voetnoot57
O heylighe stede vol behoudens reene
o stede vol volx / ontfermighe daet
60[regelnummer]
O stede daert al in es versaet
want planteyt van weelden is in dij
O ewighe stede die niet en vergaet
ons neder ghedaelt vanden hemel vry
Gherepareert van goede soot tamelic sy
65[regelnummer]
als bruyt dyns brugoms sacristye
Ga naar margenoot+Twaelf vruchten elcx siaers staen v bij Ga naar voetnoot66
ende bloyen int spyte des viants enwye
Gloriose stede goods lof marie
Onuerwinlicste stede vol victorien
70[regelnummer]
daer alle sekerheyt / in es behoet
Daer en es gheen wint van ydel glorien
daer en es gheen snee die traecheit voet
Daer en es gheen rijm die flouhede broet
daer en es gheen mist tot quade gheneghen
75[regelnummer]
Daer en es gheen hagel die vresen doet
| |
[pagina 19]
| |
noch gheen reghen / om ertsche besichorts plegen
Noch donder van tempeesteliken weghen
noch wolcken van duysterheden synder niet
Mer houekens groyn vol vruchten ghelegen
80[regelnummer]
het welcke v leuende gheloue bediet
Die schone straten diemen daer siet
syn bouen alderhande astronomije
Vws leuens eerlicheit sonder verdriet Ga naar voetnoot83
dies sydij naer menighe prophecye
85[regelnummer]
Gloriose stede goods / lof marie
De soete lucht om elcx ghesonde
es v vierich begheren te godewaert
Ga naar margenoot+De lopende riuiere claer ten gronde
es v gracie / elcken gheopenbaert
90[regelnummer]
Die vruchtbarighe boomkens syn verclaert
v vaste geduerichede in duechden
Den sanck der voghelkens soet gepaert
es der inghelen jolyt in vruechden
Vwe priuilegie bouen alle juechden
95[regelnummer]
es dat ghy syt goeds moeder rijcke
Daer hemel en erde hem in verhuechden
ende dies de helle es in versyke
Orlof mit desen noyt ws ghelyke
soe wel betughende es ysaije
100[regelnummer]
Den tyt es my te cort soot blyke
gloriose stede goods loff marie
|
|