Refereinenbundel, Anno 1524
(1930)–Jan van Stijevoort–
Auteursrecht onbekendReffereijn CXLIII
| |
[pagina 14]
| |
druue van gracien al vol gheladen
15[regelnummer]
Ick hope ghy en selt my niet versmaden
Helpt my dan segghen mit reyne ghedochte
lof moeder daer god meest wonder in wrochte
Lof wonderlic int gheloue groot
wien dinghel verholentheyt reueleerde
20[regelnummer]
Tsgheberchs besoeken v niet verdroot
soot nerstich oetmoedicheyt ordineerde
Dien nichte totter andre passeerde
die ioncste der ouderste biedende haere
Dopperste ter nederste desscendeerde
25[regelnummer]
op dat die nederste geholpen waere
Maria brocht Elizabeth mare
ende cristus tot Johannes quam
Elizabeth hoorde der stemmen snare
mer Johannes eerst die gracie vernam Ga naar voetnoot29
30[regelnummer]
Sy voelde marien / hy themelsche lam
Doen was die minste den meeste lofsam
Joannes cristuse die spelende clam
Int buyxken besloten niet meer en mochte
Ga naar margenoot+lof moeder daer god meest wonder in wrochte
35[regelnummer]
Die vrouwen doe vander gracien spraken
mer die vruchten wrochten daer van binnen
Elizabeth ontfinc den godlyker saken
naer haer ontfanc / soe wy bekinnen
Mer maria die was veruult met minnen
40[regelnummer]
des heylichs geests / voer haer ontfanck
Deen vrouwe mocht der ander versinnen
mer deen vrucht thoonde der ander danck
O reyne maria lof sonder verganck
groot sydy / groot es v visitacie
45[regelnummer]
Dyn suuer oetmoedighe groete scanck
der moeder enten soone vol gracie
Ghy haer hy hem twas volle iubilacie Ga naar voetnoot47
| |
[pagina 15]
| |
Als wonder op wonderlyke nacie
Gheschiende duer sheylichs geest inspiracie
50[regelnummer]
Twelc en es en sal / noch niet syn en plochte
lof moeder daer god meest wonder in wrochte
Bouen alle vrouwen ghebenedyt
ende ghebenedyt es dyns lichaems vrucht
Salich es hy diet ghelouende syt
55[regelnummer]
ende ghi diet hoort / gholooft sonder ducht
O maria die sonder wee of sucht
Ga naar margenoot+ontfinck / ende baerdet de ewighen scat
Lof v die met soe soeter lucht
oetmoedelick seyt / magnificat
60[regelnummer]
Sesweruen hebdi ghesproken ghehadt
soe dewangelie ons openbaert
Doe ghi den enghel vraechdet hoe en wat
ende doen ghyt consenterende waert
Ende als magnificat was verclaert
65[regelnummer]
Doen ghij Jesum ten tempel socht rose gaert
Ende int groiten Elizabeth bloeme vermaert
Ende als hy wyn van water te maken rochte
lof moeder daer god meest wonder in wrochte
O opperste visitacie soet
70[regelnummer]
naest der hoochster visitacien puere
Duerde welck cristus volder oetmoet
visiteerde de menschelyke natuere
Gheschiende te deser seluer huuere
syn hulpe tonende / ende dat in sint Jan
75[regelnummer]
Voert es v visitacie figuere
die den heylighen gheest in storten can
Den deuoten zielen tsy wyf of man
ende wt deser visitacie blijke
Ga naar margenoot+Dat v lieue soone ten wtersten dan
80[regelnummer]
syn bruyt sal halen in hemelrijke
O coninghinne slaet ons gheen swyke
Mer visiteert ons inden versyke
Der bitter doot / dat van ons wyke
| |
[pagina 16]
| |
Tsduuels macht / die ons gherne beuochte
85[regelnummer]
lof moeder daer god meest wonder in wrochte
O maria alder maechden spieghele
rasch te weghe / langhe alleene / syn
Den ghehuden tooghende regule
dat sy hertelyke souden int gheen / syn
90[regelnummer]
Lof troostighe alle die in ween syn Ga naar voetnoot90
duer wiens handen alle goeds giften gaen
Proeue mach hier of / net en reen syn
duer dy heeft sint Jan gracie ontfaen
Gracie es hopeliken ghedaen
95[regelnummer]
duer dy vol gracien lof tewigher stont
Reenste ghemeenste cleenste ghestaen
in sinnen binnen mit minnen duerwont
Lof soetste / voerhoitste / vroetste mont
Sedichste aenbedichste vredichste gront
100[regelnummer]
Ghestadichste genadichste beradichste vont
Die ontcnocht den cnoop die eua cnochte
Ga naar margenoot+lof moeder daer god meest wonder in wrochte
|
|