Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 7]
[deel II] Reffereyne CXLI Lof suuer ende alder suuerste maecht HOe edel dat oyt waren keyserinnen Hoe rijke hoe machtighe coninghinnen hoe grote princessen ter werlt wyt Hoe goedertieren hoe vol van minnen 5[regelnummer] hoe heylich of hoe deuote santinnen hoe wijs hoe schoon hier inder tijt Hoe puer hoe suuer tghescrifte lijt al niet bi v wes men ghewaecht Dies seytmen v vrouwe ghebenedyt 10[regelnummer] lof suuer ende alder suuerste maecht Lof reyne vierighe Moyses doren wt wien god minlick hier te voren ende sonder noot van brande sprack Lof god sint Jan baptisten vercoren Ga naar voetnoot14 15[regelnummer] Helyas ende Samuel soe wy horen soe suuer hielt dat hem noijt ghebrack Mocht hy dan niet syn moederlick dack Ga naar margenoot+aldersuuerste houden daert al naer vraecht Och ja hij / dies segick mit oghen wack 20[regelnummer] lof suuer ende aldersuuerste maecht Lof vrindinne van goods persone ghi syt soe suuerlyke wonderlyke scoone dat gheen vlecke en es in dij Wiens suuerheyt heeft duerbrant den throne 25[regelnummer] soe dat dyn sone een doorne chrone daer nae droech voer ons allen vrij Lof lelie die soe puer suuer sy dat ghi bouen den doornen bladeren draecht Lof gheen soe suuer / verde noch by 30[regelnummer] lof suuer ende aldersuuerste maecht
[pagina 8]
Lof lelye lof reyn bloyssem ende lucht wiens roke verdryft der herten sucht ende wiens beschou tghesichte verfroijt Ghy syghet claer water vry sonder ducht 35[regelnummer] dat alle dwoeich als suuer vrucht want sondighe smette claefd aen v noijt Lof sonne de thys van sonden doeyt wiens claerheyt alle duysteheit verjaecht Lof reynste snee diet al bestroeyt 40[regelnummer] Ga naar margenoot+lof suuer ende aldersuuerste maecht De opperste priester in doude wet coos een maghet puer onbesmet niet wedue / of andre groot noch cleene Tsghelijcx heeft god dier wel op let 45[regelnummer] vercoren v maechdelick wesen net als opperste priester voer al ghemeene Die van v leerde / die worden reene soe soete dat dies elcks sin verbaecht Lof reyne Susanna ons troost alleene 50[regelnummer] lof suuer ende aldersuuerste maecht Lof suuerste suuerheyt sonder ghetal daer de coninck der suuerheyt bouen al ghewonnen hebt in dijne maechdelicheijt Wan wien noyt leeraer en was noch en sal 55[regelnummer] die dyns memorie hielt / groot of smal daer ijet van sonden was gheseyt Want ghi moeder / des soons / der tryniteyt ende sterre syt die alder suuerste daecht Dies moet v van elcken toe syn gheleyt 60[regelnummer] Lof suuer ende aldersuuerste maecht Lof claer licht duerblinckende reen Ga naar margenoot+daer svaders sone als raijen duerscheen dat noyt te voren / licht was soe puere Belemmert van sondelyke wolken gheen 65[regelnummer] dies der suuerheyt sonne by v alleen
[pagina 9]
ghespreyt es alle die werlt duere Ghelyc ons die sonne thoocht tyt ende huere soe hebdi den tijt van gracien belaecht Dies seyt v natuere / figuere / scriftuere 70[regelnummer] lof suuer ende aldersuuerste macht Lof Micol dauids bruijt ghemint lof Anna Tobias wyf bekint lof Rachel die den verlosser brochte Lof Judith bloeseme reyn gheint 75[regelnummer] lof Abigail suuer ende oetmoedich ghesint Ga naar voetnoot75 lof Bersabee die noyt verhoecht syn mochte Lof Hester reyn maechdelick ghedochte diet tioetsche gheslachte hielt ongheplaecht Lof Delbora die groot wonder wrochte 80[regelnummer] lof suuer ende aldersuuerste maecht Lof suuer van herten bouen ertsche crachten lof suuer van gronde ende van ghedachten lof suuer van moede ende al volmaect Van uwen soeten oochskens tscachten 85[regelnummer] Ga naar margenoot+deden allen onreynicheyt versmachten wien ghy oyt saecht of theghen spraect Noeijt en besondichde ghecleet nocht naect in v / maer bleef dies suuer gheuaecht Noyt en hebdi specie van sonden ghesmaect 90[regelnummer] lof suuer ende aldersuuerste maecht Princhesse Lof duer wiens suuer inghelick leuen ghi bouen allen hemelen syt verheuen soe Natuere Figuere Scriftuere bewysen Of ghi niet reyn waert ende syt ghebleuen 95[regelnummer] hoe hadde cristus ons leet verdreuen die menschelic wt v wilde rysen
[pagina 10]
V gracie es ons een troostelick spysen ghy syt die gode voer al behaecht Orlof die niemant en mach volprysen 100[regelnummer] lof suuer ende aldersuuerste maecht Ga naar voetnoot100	voetnoot14 na baptisten is va doorgehaald. margenoot+ Fol. 195 (clxxxvi) margenoot+ Fol. 195^v (clxxxvi^v) margenoot+ Fol. 196 (clxxxvii) voetnoot75 De tweede i van Abigail boven het woord bijgeschreven. margenoot+ Fol. 196^v (clxxxvii^v) voetnoot100 na ende is een e doorgehaald.

Vorige Volgende