Refereinenbundel, Anno 1524

Reffereyne CXL
Loff lelye dueruloeyende medicijne

⁺Dijn macht . dyn prys . dyn lof . dijn weerde
Dijn preuilegien . euwich en vrij ²
En mach vollouen . hemel noch eerde
aij lacen wat sal dan syn van mij
Want soe heeft hem god vernedert in dij
in uwe maechdelyken lichaem claer
Dat sonder mensche gheen god en sij
noch mensche oeck sonder god voerwaer
Doch en es die godheijt dats openbaer
die menscheijt niet bij ghenen sinne
Noch die mensheyt / en es voer noch naer
die godheyt niet / hoement beghinne
Duer twonder van desen bietmen v minne ¹³
maria segghende mit blyden schyne
lof lelye dueruloeyende medecijne

God ende mensche / dees twe syn een
persoon / nochtans natueren twe
Onuermindert elcx deel / ende wesen reen
al euen gheweldich emmermee

+ Fol. 193^v (clxxxiiii^v)

2 de initiaal van Dijn is die van Dijn in r. 1.

13 na van is een lange s doorgehaald.

[p. 306]

20

Ghy syt de lelye witter dan snee

 

duer wien dit grote wonder gheuloeyt / es

 

Ghelyck als vander hoochster zee

 

al ertryke versch ende bespoeyt es

 

⁺Het gout van caritaten ghegroeyt / es ²⁴

25

in v dat alle sieckte verjaecht heeft

 

Tleuen nu bouen der doot ghebloeyt / es

 

want die ewighe sonne v bedaecht / heeft

 

Tverloren is vonden by v die maecht / bleeft

 

ende moeder werdt / net sonder pijne

30

lof lelije dueruloijende medicijne

 

 

 

Die olije van lelijen die verdrinckt

 

tgheswelsel van alle quade humueren

 

Mer moeder ghy sy die oly die schinckt

 

ontfermichede allen creatueren

35

Gheen medecinaelder . gheen meerder in cueren

 

gheen hogher van aertscher weelden rysende

 

Gheen bloeme op aerde soe crachtich van ghueren

 

gheen suuerder getemperthede prijsende

 

Gheen plante en es sulcke soetheit bewijsende

40

gheen sprute en es soe confortatijf

 

Gheen voetsel en es meer den hongher spijsende

 

want ghy maria troost siel en lyf

 

Lof nu ende ewich dan sonder blijf

 

duer wien god water verkeerde in wyne

45

lof lelye dueruloyende medicyne

 

 

 

Princesse

 

 

 

Princesse der hemelen enter erden vrouwe

 

⁺ der hellen ghebiedeghe tallen termijne

 

Ontfermt myn alder ghetroutste trouwe

 

lof lelye dueruloeijende medecijne

+ Fol. 194 (clxxxv)

24 het onderste gedeelte van de s in es verdwenen

+ Fol. 194^v (clxxxv^v)

[p. 307]

EINDE 1^e DEEL