Refereinenbundel, Anno 1524
(1930)–Jan van Stijevoort–
Auteursrecht onbekendReferey CXXI
| |
[pagina 246]
| |
20[regelnummer]
Der philozophen boycken en haddens niet
dus was haer leringhe bedriechelick al
Der ioden sermonen en wistens niet een riet
dus bliuen sy verganckelick groot en smal
Die visioenen alder propheten ghetal
25[regelnummer]
en hadden te vollen niet uwen soeten name
Voert salomons boyken hoe suuer tgescal
sy en vonden nye uwen name bequame
Ga naar margenoot+Ende alle der scryuers historien eersame
en vondens nije want hy is veel te crachtich Ga naar voetnoot29
30[regelnummer]
Lof jesus verlosser behoeder almachtich
Ghelyc die sterre haer voer die sonne vertrect
die lucifer heet aen tchirkels graet
Ghelyc die donckerhede haer voer tlich verwect
ghelyc die knape synen coninck voer gaet
35[regelnummer]
Ghelyc die figuere voer die waerheyt staet
soe hebic geuonden nu Jesussen drie
V soe wel figurerende myn toeuerlaet
voer wien dat bugende is mynder sielen knije
Mer hoe wonderlic wonder dat ije gheschije
40[regelnummer]
byden drie Jesussen inden tyden voerleden
Jn comparatien en ist nauwe een bije
bij v / woert gheduerende in ewicheden
Die cracht uws naems heeft tonder ghetreden
des duuels geuanghenisse by macht alleene
45[regelnummer]
Lof gebenedide Jesus van nazareene
Den eerste Jesus name vol scoons exempels
diemen heet Josue / uwer macht figure
Dan Jesus Josedech hooch priesters des tempels
uwer gherechticheyt betekenende puere
50[regelnummer]
Ga naar margenoot+Dan Jesus Sydrach uwer wysheyt natuere
want ecclesiasticus heeft v ghescreuen
Mer hemelsche name / dat lydic al duere
die figuere en can gheen salicheyt gheuen
| |
[pagina 247]
| |
Vwen name doet alle vianden beuen
55[regelnummer]
hi vernijeut die herten hy veruerst die crachten
Hij vergadert de poorsters / hi is troost beseuen
ende soetheijt in alle salighe ghedachten
O Jesu op niemande en wi!ick achten
dan op v die ewelick blyft warachtich
60[regelnummer]
Lof Jesus verlosser behouder almachtich
Ontsprekelijke name lanc sonder lancheyt
inder diepheit des vaders herte ghesticht
V moghentheyt versterct al onse crancheijt
v wyshede al ons donckerheyt verlicht
65[regelnummer]
V gratie al onse quaetheyt swicht
v victorie al onse cattiuicheyt claert
Wiens gloriose minlick aenghesicht
die ewighe blijscap ons openbaert
Die joden vielen doer uwen name vermaert
70[regelnummer]
die dode verresen die siecken ghenasen
Crepel / doof / blint / stom / dul / hoe seer beswaert
uwen adem conde hen ghesontheyt in blasen
Ga naar margenoot+Jn siele / in lyue / wy brosche ghelasen
segghen v mitter saligher magdalene
75[regelnummer]
Lof ghebenedide Jesus van nazarene
Wel is uwen naeme die ghebenedytste
eerst gheuonden byder heyligher triniteyt
Als maria worden was dalder blytste
heeft haer denghel uwen soeten naem gheseyt
80[regelnummer]
Ende sy heeft hem voert minlyken wt gespreijt
inder hogher besnydenissen sacrament
Aldus heeft die vader der ewicheijt
eerst wt ghegeuen makende bekent
Dinghel heeft der werlt ghebrocht present
85[regelnummer]
de moeder beslootse int heylich besnyden
Noyt name in gracien / soe excellent
hy is mynder sielen / een ewich verblyden
Goedertieren den eyschende tallen tyden
vercoelen in allen temptacien smachtich
90[regelnummer]
Loff Jesus verlosser behouder almachtich
| |
[pagina 248]
| |
O godlijke olijue suuer ende soete Ga naar voetnoot91
die de wonden der sondaren ghenesen muecht
Die de penitentem syt sachte als boete
ende claerheyt int donckere / den droeuen vruecht
95[regelnummer]
Die den ootmoydighen mit kennisse verhuecht
Ga naar margenoot+ende den perfecten geeft experientie
Die ghebrukenisse vander ewigher vruecht
wel issmen v sculdich reuerentie
Jnt berou is uwer ghenaden presentie
100[regelnummer]
ende inder temptatie uwe victorie
Jn die meditatie tsverstaents intentie Ga naar voetnoot101
inde oratie smake der glorie
Ende al heuet blyscap in syn memorie
by uwen name / want soeter noyt gheene
105[regelnummer]
loff ghebenedide Jesus van nazarene
Uwen machtighen name is soe seer begheerlick
hy wttrect tsondaers begherten tot duechden
Hy is ghenoechelick geestelick en werlick
den penitenten vergeeft hy mit vruechden
110[regelnummer]
Hij is wonderilick mede want noijt en verhuechden
die contemplatiue / so seer als in v
Hi is eerlic vader / als juecht der juechden
want alle geesten des hemels ije ende nu
En worden nemmermeer van v te louene scu
115[regelnummer]
want in v sy salighe begheerten smaken
Wwen hoghen name verwermt der sielen gru
alle dorstighe condi ghetempert maken
V geestelyke inghietinghe doet blaken
die ziele in soethede rysenden drachtich
120[regelnummer]
Loff jesus verlosser / behouder almachtich
Ga naar margenoot+Lof opperste naem hoghe verleeninghe
Ouerulietinghe van iubilacien wijt
| |
[pagina 249]
| |
Die de viericheyt / der saligher meninghe
vetticheyt van deuocien gheuende syt
125[regelnummer]
Ghij voet soetheyt van consolacien altyt
gracie van kennisse die inwaert ryse
Ende godlyke verlichtinghe ghebenedijt
een voetsel vander ewigher spijse
Vrede uwen name / op aerde bewijse
130[regelnummer]
ende glorie / inden hemel gheduerende
Verlossinghe wt den verlorenen yse
die dooden een ewich leuen ghebuerende Ga naar voetnoot132
O vader vergeeft my / dat ic bin puerende
soe diepe wiens herte is lacen van steene
135[regelnummer]
loff ghebenedide jesus van nazarene
Den hemel verwondert seer ontsprekelick
by uwer glorien ende jubilacien
Aertryck / valt int verstant ghebrekelick
by uwer teghenwordigher gracien
140[regelnummer]
Geheel verwondert al die helsche nacie Ga naar voetnoot140
by uwer gherechtigher iusticie groot
Dus en is tyt / stede / wijle / noch spacie
ten heeft in v verwonderen / sonder ghenoot
Voert in alle staten die god ije gheboot
145[regelnummer]
behoortmen / desen heylighen name te eerene
Ga naar margenoot+Ende in alle steden ende tyden dats bloot
ende in alle wercken / haer lof te vermeerene
O werde vader pijnt mij doch dit te leerene
want in duechden en was ick nye vernachtich
150[regelnummer]
loff iesus verlosser / behoeder almachtich
O Jesus uwen name heeft groten merc / an
want die glorioeshede en mach niemant vaten
This den name vanden alder wijsten werckman
goedertierenste biscop in sonden verlaten
155[regelnummer]
This die rechtuerdichste rechter bouen maten
ten ordele / daert al sal bestaen te beuene
| |
[pagina 250]
| |
This den name des coninx bouen allen staten
almoeghenste om elcken loon te gheuene
Jesus vol gracien / name verheuene
160[regelnummer]
nazarenus / bloyende juecht hantierende
Rex vol van caritaten te ewighen leuene
iudeorum gode glorificierende
Noyt coninck en was / en sal / noch is regierende
hebbende uwes tytels der specien eene
165[regelnummer]
loff ghebenedide Jesus van nazareene Ga naar voetnoot165
In hebreeusche is Jesus v name puere
ende in griexse soeter soet van verhale
Jn lathijne / saluator hoochste natuere
ende verlosser in onser ghemeenre tale
170[regelnummer]
Ga naar margenoot+Och this wel recht dat ic my nu neder dale
plat streckende / voort wenende ten voeten dijn
Die int generale ende int speciale
ende oec altemale / alleene vout syn
Die behouder vander ermer zielen mijn
175[regelnummer]
mit sulcken drucke / ende smerte onnaerdich
Ssteruende in sulcke bitte scoffirich ghepijn
ic en bints niet eens te vermondene werdich
Doch hebben tleuen van glorien rechtuerdich
by uwer confuselyker doot onsachtich
180[regelnummer]
lof Jesus behouder verlosser almachtich
Elc deuoot herte mit reuerencien
ghebenedijt uwen name om loofs verstijuen
Ghi hielt de weduwen in continencien
hij dede den maechdekens suuer blijuen
185[regelnummer]
Hy dede den confessoren bedrijuen
scerpe abstinencie bidden en lesen
Hy dede den martelaren al ontlijuen
hy dede den gehuden gherechtich wesen
Alle der enghelen choren verblyden in desen
190[regelnummer]
darchangelen en bootscapen gheen meeder mare
| |
[pagina 251]
| |
Hi is bouen virtuten / miraculen ghepresen
der potestaten mach buycht al voer haer
Ga naar margenoot+Der principaten hoocheijt / looft openbaer
der doninacien licht / hoet hy van weene
195[regelnummer]
lof ghebenedide Jesus van nazarene
De thronen daer oeck die godlyke jonsten
duerwonnest en moghe uws loofs versaden
Die cherubinnen vol hemelscher consten
onendelick in uwer glorien waden
200[regelnummer]
De cheraphinnen die vierlick braden
inder godlyker caritaten en minnen
Singhen ghedurich lof Jesus vol ghenaden
ghesontmaker alder quelende sinnen
Ende maria troost alder troosterinnen Ga naar voetnoot204
205[regelnummer]
looft hertelick / uwen name vercoren
Wies menschelyke borsten om ons ghewinnen
die godlike lippen soechde hier voren
Dies alle menschen wel moghen orboren
dies hemel en aerde v seyt bedachtich
210[regelnummer]
lof Jesus verlosser behouder almachtich
Prinche
O minlyke jesus hier mede een oorlof
die soethede syt bouen allen roken
Neemt mynder crancheden genadich restoor of
hebick te vele of te luttel ghesproken
215[regelnummer]
Voert recommendeer ic v hier in beloken
hem die ootmoedelic dit lof sal spreken
Ga naar margenoot+Ende onghecorrumpeert laet ende ghebroken
wilt vierich in uwer minnen ontsteken
Alsoot es ende claerlick heeft ghebleken
220[regelnummer]
aenden reynen Jgnacius v heylich sant
Jn wiens edel herte puer onbesweken
mit fynen gouden letteren men Jesus vant
| |
[pagina 252]
| |
Ja in welc stuxken gescerft o precioes brant
geeft my ootmoedicheyt my kennende cleene
225[regelnummer]
loff ghebenedide jesus van nazareere
|
|