Refereinenbundel, Anno 1524

Reffereyn CXX
Loff hoghe drieuoudicheyt onbegrepen

Almoghende vadere / sonder beghin
daer alle beghinnen aen namen beginsele
Ontfermt v myns ick die hier bin
natuerlic broosch in swerlts binssele
Al dat ye was is sal / meer of min
yeghelicx cracht geeft v beminssele
V en deert moyte noch onderwinssele
⁺ghij syt in v seluen / ende in elcken by gracien
Ghy beslaet alle dinck / nae crachts bekinssele
ende v en veruullen / gheenderhanden nacien
Loff vaderlic god / vol iubilacien
van nyemande gemaect ghewonnen gescepen

+ Fol. 152 (cxliii)

[p. 244]

 

Een wesen in drie vry van blammacien

 

dies segghen v alle generacien

15

Loff hoghe drieuoudicheyt onbegrepen

 

 

 

Tes al van niete by v ghemaeckt

 

ende ghi en hadt noyt van yemande maectsele

 

Tsoons wesen dat is by v gheraect

 

hoochste gewonnen als reynste gheraexsele

20

Aldus is die heylighe geest / diet smaect

 

gaende voort / wt uwen godlyken smaexsele

 

Recht een niet drie noch gheen ghestaexsele

 

als drie soonen noch heylighe geesten drie

 

Mer vader soone heylighe gheest / een daexsele

25

almachtich / ende en waren verscheyden nije

 

Ten was noijt nyemant inde clergie

 

hoe groot heem heeft dabuys ghenepen

 

Ongrondelic ist aldus ick lye

 

nu tuwer werdigher singorye

30

Loff hoghe drieuoudicheyt onbegrepen ³⁰

 

 

 

⁺Onde een / niet drie / onghescepen onghemeten

 

lieuelic god mer een onmetelick

 

Onghemeten synde elc int hoochste weten

 

ende in ewicheden / elc euen wetelick

35

Een vader een sone bouen allen secreten

 

een heylich gheest / al euen secretelick

 

Euen ewich euen machtich onuerghetelick

 

een ewicheyt inder drieuoudichede

 

Drieuoudich in ewicheyt staende prophetelick

40

aen wien noyt voer noch nae was mede

 

O hoochste ende moghentste moeghenthede

 

wilt my behoeden voor sviants swepen

 

In v is dal der volmaecste vrede

 

ic gruet v tot inder hemelen stede

45

Loff hoghe drieuoudicheyt onbegrepen

30 de tweede e van onbegrepen verb. uit o

+ Fol. 152^v (cxliii^v)

[p. 245]

 

Prinche

 

 

 

Almoghende vader. soone. heylich geest

 

tlouen van my mach luttel drepen

 

Mer ommer geseggick mit sonden beureest

 

lof hoghe drieuoudicheyt onbegrepen