Refereinenbundel, Anno 1524

[p. 219]

Reffereijne CIX
WAnt sy my seer ver is lief die v seer naer es

WAts myns o wach laecen sterfic of leef ick ¹
hoe deerlic sneefic alle vruecht begeefic
slaepic / waeckic / my seluen ontweef ick
waer bin ic / wat maeck ic sit ic of stae ic
Al quamen alle goden in drucke bleef ick
aij my hoe beef ic wat helpt al keef ick
mochtet eens deel myn lyden screef ick
mer lacen gheenen troost en ontfae ick
Clim ick of dael ic rydic of gae ick
ic en weet nauwe weert doncker of claer is
⁺Want sy my seer ver is lief die v seer naer is

Waert dat ic by v gheraken mochte siet
dat venus wrochte siet / my en rochte siet
weer my daer god of moonken brochte siet
ic wilder wel enen ramp om lyen siet
Weer icker om strede oft vochte siet
hoe ict becochte siet / tes myn gedochte siet
die eens weluaert leeft altoes niet onsochte siet
tes beter eens pays / dan altoos stryen siet
Eens den buijck vol doet tlyf verblyen siet
dwelc ic moet deruen soet openbaer es
Want sy my seer ver es lief die v seer naer es

Vermaledijt sijt tot ewigher uwren nu
venster duere nu / stadt en mueren nu
en die mij desen druck doen besueren nu
en die v van my lief willen versteken nu
God moetse scenden die my dus slueren nu
dies ic moet trueren nu / vol van dolueren nu
och mocht icse mitten tanden scueren nu
al soudicker my in een quaet gat daerom steken nu

1 Vóór is, in den titel, de r van naer boven den regel bijgeschreven.

+ Fol. 137 (cxxix)

[p. 220]

 

Mocht mij doch helpen myn quaet spreken nu

 

lacen neent / dies therte in my seer swaer es

 

Want sy my seer ver is lief die v seer naer es

 

 

 

Prinche

 

 

 

⁺Princesse lief als honichrate soet

35

bouen den garnate soet / hoochste van state soet

 

in my bouen alle schone vrouwen soet

 

In my verheuen als een gulden plate soet

 

bewyst caritate soet / tot mynder bate soet

 

ghedenct doch twerc de gheloofder trouwen soet

40

Dat ic v vier ermkens mach ontuouwen soet

 

en den regel verkoeren daer nu en maer es

 

Want sy my seer ver es lief die v seer naer es

+ Fol. 137^v (cxxix^v)