Refereinenbundel, Anno 1524

[p. 217]

Reffereijn CVIII
Die bate es syne / die scaye es mijne

WAT macht hem scaijen diet niet en cost
al wordt van my der werlt vruecht begost
daer venus discipulen altemet sijn
Al schenck ic by wylen den rynschen most
den schoone vrouwen dies hebben lost
daer wy secretelic in enich bancket sijn
Al mach ic boelerende duert bruechs opset sijn
mit lodderlyke meijskens subtyl van liste
Moet my van hen dat een verwet sijn
die niet en betalen wat ick verquiste
Heeft niemant ghebreck van sulcken twiste
De bate es syne
Nonfortse al verteer ick gelt en kiste
die scaye es mijne

Wien lett / wien scayt / wien macht hinderen
al volchick meest den verloren kinderen
den leest moet my van dien beuolen syn
Al machic in stouen in bordelen slinderen
daer gelt / scat / en goet / by mach minderen
moetic daer by tvuylste kint vander scolen syn
Al mach mynen geest gestelt om dolen syn
⁺en werpen den terlinc hazaer of gemoet
Moet dus my eere / en weluaert gestolen sijn
van tonghen die ergher syn dan slanghen bloet
Non fortse doe ic qualic / die altyt wel doet
De bate es syne
Laet my dan ghewerden al bin ick onuroet
Die scaije es mijne

Elc es ghegeuen synen vryen wille
te doene / te latene / tsy luyde of stille
weert goet / of quaet al sout leet of danc syn

+ Fol. 136(cxxviii)

[p. 218]

 

En mach ic dan niet sonder enich ghescille

 

verdoen vlas / gaern / haspel en spille

 

met mynen quantkens die op die banck syn

35

En mach ic by wylen niet inden dranc syn

 

en drincken vry als bachus droncken daer iouwe

 

Ten moet van scimpers enen gemenen ganc syn

 

al ghebuert hen dusentwerf meer dant mij souwe

 

Suyct niemant dit beenken daer ic ae knouwe

40

De bate es syne

 

Verdrinck ic tbier dat ic seluer brouwe

 

Die scaye es mijne

 

 

 

Prinche

 

 

 

Alst gheseijt is men derft niet vraghen ⁴³

 

elc sal alleen sijns selfs packsken draghen

45

⁺hoe wys / hoe sot / dat hy mach int leuen / syn

 

Wien mach dan letten myn bruesche vlaghen

 

al heb ic ghedoolt in myn ionghe daghen ⁴⁷

 

dies male fortune my mach becleuen / sijn

 

Moet ic daerom bi tvolc veracht verdreuen sijn

50

verstoten beghect worden / mit scaemten groot

 

Moet ick derchste van hem bescreuen syn ⁵¹

 

wien ic ter werlt noyt dan duecht en boot

 

Es hy een vat daer noyt gebreck wt en vloot

 

De bate es syne

55

Al verliese ic tspel laet doch rollen den cloot

 

Die scaye es mijne

43 de r van vraghen boven den regel bijgeschr.

+ Fol. 136^v (cxxviii^v)

47 de g van ghedoolt verb. uit d

51 de m van hem verb. uit n