Refereinenbundel, Anno 1524
(1930)–Jan van Stijevoort–
Auteursrecht onbekendReferen XCVI
| |
[pagina 188]
| |
tsamen vergaeren nae hen auijs
Jn huwelyken state mit blyen sinnen
hier om vraechick doer myn slecht plomp bewijs
15[regelnummer]
Es dit niet ter werlt een paradijs
Wie sou vertellen in enigher manieren
die vruecht die twe amorueselike dieren
ghehuwt synde hantieren / vroech en spade Ga naar voetnoot18
Sy token sy spelen ia mit blyder chiere
20[regelnummer]
soe omhelsen sy die bloesende liere
dwelc elc sonder vieren / en es gheen scade
Deen minlic den anderen staet in stade
en leeft bij rade / sijns liefs vol eeren
Oft dan daer ghesayt wordt van venus sade
25[regelnummer]
met ionstighen dade / om vruechs vermeeren
Dat hen doochkens als doppekens verkeere
groyende in vruechden ghelyc een rys
En doer dlaboreren niet en verweeren
mer swetende als een doijende ys
30[regelnummer]
Es dit niet ter werlt een paradys
Als dan dees twe amoruese creatueren
in huwelyke versaemt sy sonder trueren
ter goeder uren / maken sy dan iolijt
Ga naar margenoot+Onghenuechte is daer ghesloten buten mueren
35[regelnummer]
mer vruecht der vruechden wast hen aen int voldueren
sonder versueren / soe wast oec appetyt
Domhelsen vanden ermkens coompt dan int crijt
stryt sonder nijdt / wort minlick begonnen
Alsdan desen amorueseliken strijt
40[regelnummer]
weder ghesoijnt wordt in corter stonnen
Met enen omhelsen / dat syt elc gonnen
en dminlick hergaen haect naden prys
Daer dit gheschiet binnen der bedsponnen
betalende minlick elc haren chys
45[regelnummer]
Es dit niet ter werlt een paradijs
| |
[pagina 189]
| |
Prinche
Dat inden amorueskens scelen
moghen gehoude personen vroelick spelen
nae venus beuelen / sonder enich begrijs
Dus vraechic noch eens en willes mij niet helen Ga naar voetnoot49
50[regelnummer]
daer vruecht der vruechden niet en can vernelen
Es dit niet ter werlt een paradijs
|
|