Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 179]
Een ander reffereijn XCII En es dit niet ter werlt een paradijs TEs wel een ghenuechte gehuwt te sijne daer de man en wyf mit bliden schijne te samen wt eender scottelen eten En daer sys eens draghen sonder pijne 5[regelnummer] en niet seer gestort en syn met wijne noch daermen niet veele en heeft gesmeten Mer somtijts wel van hongher heeft ghecreten en deen opten anderen heeft sitten wieren En daer sy hen wel dorren vermeten 10[regelnummer] dat sy brassen souwen al warent ghieren Ga naar margenoot+En daer sy properlick met manieren hazenoten gaen plucken onder trijs En daerse drincken datse stieren wter grachten oft ander reuieren 15[regelnummer] Es dit niet ter werlt een paradijs Daert dan dese twe soe wel eens draghen dat sij somtijts malcanderen vraghen wat sy teghen auont wille bereijen En daer sy bey aen een beenken knaghen 20[regelnummer] en minlick knappen sonder slaghen mer vromelick mitten tanden weijen En daer sy gracelick onder hen beijen gherne siet neuen een gaen ligghen slapen En daer sy fraylick sonder screijen 25[regelnummer] van lachene deen op dander gapen En daer die borstkens soet suet syn int rapen datse bouen alle anderen winnen prijs En daerse de man soe wel can lapen al warent kinderen of ionghe scapen 30[regelnummer] Es dit niet ter werlt een paradijs Als dan dees twe deen dander dus minnen en helpen ghelyc de scapree ontghinnen
[pagina 180]
en cryghen een ionck kint opten scoot En daer deen haspelt en dander gaet spinnen Ga naar voetnoot34 35[regelnummer] niet wetende van vruechden wat beginnen om datse een kint hebben schoon en groot Ga naar margenoot+En daerse al melc en wittebroot voer tkint gaen broeken sonder vercouwen En daer de man coomt gescoten int hoot 40[regelnummer] dat hij voor deten ghenuecht wilt brouwen En seyt wy moeten eens dansen in trouwen gent onder ons beyen sonder afgrijs En dat sy deen hant in dander duwen en gaen daer singhen sonder ophouwen Ga naar voetnoot44 45[regelnummer] Es dit niet ter werlt een paradijs Prinche Ick en sou thuwen v niet ontfrayen Ga naar voetnoot46 want ic my seluen wil ooc gaen bestaijen tes toch al ghenuechte datmen daer hoort Ende daer die oochkens soe minlick draijen 50[regelnummer] dat sy deen dander in liefden paijen en nemmermeer op een en worden gestoort En daermen noch noyt en heeft ghesloort mer altoos lief tes goet om achten En al essmen somtyts mit hongher verdoort 55[regelnummer] damoruesheyt stellet uwten ghedachten En daermen noch noyt en hoorden clachten mer altoos eens draghen met goeder auys En daer sy malcanderen int bedde wachten het sy met jonsten oft anden drachten 60[regelnummer] Es dit niet ter werlt een paradys	margenoot+ Fol. 114^v (cvi^v) voetnoot34 na deen is doorgehaald ha gevolgd door een uit e verb. (lange) s en door een uit (eene lange) s verb. p margenoot+ Fol. 115 (cvii) voetnoot44 de n van gaen verb. uit r voetnoot46 v boven den regel bijgeschreven.

Vorige Volgende