Refereinenbundel, Anno 1524

[p. 154]

Reffereyn LXXX
Och lieue heere god ontfermt v myns ⁺

Al waren alle ertsche menschen goden
al waere die werlt een ewich leuen
Soe breken wy ghenoech die thien gheboden
die god ons doer moyses heeft ghegeuen
⁺Wy leeren al deen den anderen sneuen
het syn al daezaerts die ons verspreken
Duecht is versmaet die misdaet verheuen
wy verblyden ons in ons selfs ghebreken
Mer als wy ligghen ghesalft bestreken
en ons op gheuen die medecijns
Dan biechten wy eerst ons quade treken
en roepe mit voize vol ghepijns
Och lieue heer god ontfermt v myns

Als huer die zee op sal rechten ghelyck die muere
bouen alle berghen xl cubitus hoghe
En weder dalen sal mit riguere
soe diepe als sien can menschelyck oghe
Als die zeeridders anxtelick van betoghe
blyken sellen mit deerlyken ghebare
En twater bernen sal by goeds gedoghe ²⁰
bouen den natuerlyken constenare
Wanneer onser elcke dit werck gheware
die de ziele hebbe soe veel fenyns
Dan sullen wy lopen van outare te outare
en roipen die nu vergheten syns
Och lieue heer god ontfermt v mijns

Als die bomen en alrehande cruyden
doen sullen gheuen mit bloidighen schyne
Van oosten ten westen van noorden ten suyden
⁺ als alle menschen sullen vallen ten fijne

+ god in den titel boven den regel bijgeschreven.

+ Fol. 99^v (xci^v)

20 de s van goeds verb. uit e

+ Fol. 100 (xcii)

[p. 155]

 

Wanneer die steenen van deser bruijne

 

soe voelen datse in vieren splijten

 

Als die erdbeuinghe begint soe groot te sijne

 

dat niemant hem seluen en sal moghen quijten

35

Dan sullen wy die nu den tyt verslyten

 

alle dinghen mercken vol verdwyns

 

Wenschen om ewich doot te syne / mitten ypocryten

 

en roepen mit herten vol duechdelicks schijns

 

Och lieue heere god ontfermt v mijns

 

 

 

Prinche

 

 

40

Sorcht voer enttekerst gheboorte

 

want geestelick of werlick officier

 

Tes terstont al van ghelycker soorte

 

die vrese goeds es een versteken dier

 

Tmach al dueren als tvlas int vier

45

dus bid ic v als gehulden broeder dijns

 

Laet ons in tyts beteren ons cranck bestier

 

en segghen ondancks den helschen swijns ⁴⁷

 

Och lieue heer god ontfermt v mijns

47 na helschen is ende doorgehaald.