Refereinenbundel, Anno 1524
(1930)–Jan van Stijevoort–
Auteursrecht onbekend
[pagina 88]
| |
hij voir als dandere hy wert bedroghen
Troilus gheloofde tscoon aenscouwen
5[regelnummer]
van brezede vol rouwen
ende sterf doer dat sy hem had gheloghen
Achilles sghelycks duer polluxenam dueruloghen
sterf inden tempel doende sijn offerande
Virgilius hinc confousilyc in die mande
10[regelnummer]
doer bedroch van vrouwen crachtich vermoghen
Aristoteles quam oec tgelycks in doghen
Dit blyckt voer oghen
Hercules duer dyaniram hem seluen verbrande
salomon offerde daffgod tot synder scande
Ga naar margenoot+wies sal ic my poghen
Beraest betwijfelt gaen ic achter lande
men wijst mij mit vingheren ic moet bewenen
Al weetick dees trou is menigerhande
nochtas blyfic haer ghestadich alteenen
20[regelnummer]
Nae dat alle wijse dus quamen in clachten
soe soude ic my dan wachten
of wyser syn dan die propheten te voren
Vrouwen sijn nu als die vul crachten
subtijl van ghedachten
25[regelnummer]
hier bij soe heb ic vruechd verloren
Sij maect mij een ghespe en daer toe twe oren
daer ic wt liefde vertere mijn bloit
Tis al blamacie dat sij mij doit
een ander voer mij heeft sij vercoren
30[regelnummer]
Dickwils heb ic haer huijs versworen
als die hem storen
mer ic en cans ghelaten om gelt noch om goet
Haer lieflick wesen haer opsien soit
blust mijnen toren
35[regelnummer]
Therte is soe doersteken in venus gloit
dat my dunckt men soudse niet connen verreenen
Mer lacen al ben ic haer valsheyt vroit
nochtans blyfic haer gestadich alteenen Ga naar voetnoot38
| |
[pagina 89]
| |
Dat ic vele claghen ten mach niet baten
40[regelnummer]
Ga naar margenoot+ic bliue int verwaten
van haer daer alle myn troost aen staet
Al sie icker eenen anderen van achter wt laten Ga naar voetnoot42
en my haten
met loghenen bedecktse haer dobbel daet
45[regelnummer]
Tes vrunt of maghen die wten huse gaet
of yemant die daer enen sochte
Somtijts een ander die daer wat wrochte
mit trusen sij aldus mijnen druck verslaet
Vraghe ic wiet was dan spreect si quaet
50[regelnummer]
dus doen ic verlaet
by vresen of icse vertoernen mochte
Dan toontse den aert die si voertyts plochte
dus roep ic om raet
Veruloekende die my daer eerst aen brochte
55[regelnummer]
tot haer wiens herte blyft hert als steenen
Al berispic haer subtyl gedochte
nochtas blyf ic haer ghestadich alteenen
Prinche
Al syn die vroukens scoon als goddinnekens
tsyn duuelinnekens
60[regelnummer]
als syder xx payen mit enen monde
Verrasende maken die ionghe sinnekens
bedrieghende spinnekens Ga naar voetnoot62
Ga naar margenoot+geen meerder fenyn ter werlt ijemant ije vonde
Diet proeuen sdaghelicks gheuen hier af orconde
65[regelnummer]
en coopt gheen broot mer biddet om leenen
Al is myn troost gheneycht inden gronde
nochtans blyfic haer ghestadich alteenen
|
|