Refereinenbundel, Anno 1524

[p. 86]

⁺Refereyn XLV
Loff vol van gracien maechdelyck trysoor

MAria seer werde in hemel op aerde
gheloont ghecroont syt openbare
Soe wie v minde of oyt begheerde
v te louen tveil bouen natuere te sware ⁴
Nochtans mit vare ic een sondaere
jn sonden ghebonden roip om ghenaden
Loff conininge clare / in die hemelsche scare
Loff boite van state / staet ons in staden
Loff seghele / lof spieghele lof sdachs beraden
Loff loon / lof troon / lof sitins scrine
Loff des oitmoits saden / lof sondelyc versmaden
Loff leystere / bereytstere toest ons ten fijne
Loff suete rosyne lof rosemareyne
Loff iubelerende den hemelschen coor ^7-14
Lof vol van gracien maechdelyck trysoor ¹⁵

Lof rose van ierico / lof cedare van libano
Lof onbesmette / lof verhette in goeds minne
Lof moeder die soe bemindet vro
Lof slot / daer god / wert menschen binnen ^17-19
Dwelc wy bekennen / mit herten mit sinnen
lof trost die gelost heeft onse bede ^21
+doit ons ghewinnen / dyn hemelsche tinnen
lof sara / lof saba / lof vol wyser sinnen
lof lant vol vreden / lof scoonste van seden
nochtans / van mans / misbieden noyt hadt
Loff sibilla besneden / vol oytmoedicheden
loff sterre / die verre / ons wyst den pat
loff godelick vat / lof bersabee scat
loff moeder goeds lof ons orboor ^26-29
lof vol van gracien maechdelyck trysoor

+ Fol. 58^v (xlvii^v)

4 de i van tveil boven den regel (tusschen e en l) bijgeschreven.

7-14 loff stechts éénmaal vóór een strik.

15 de v van van verb. uit a

17-19 Lof(f) slechts éénmaal vóór een strik.

21 na trost een g en het begin eener l doorgehaald.

+ Fol. 59 (xlviii)

26-29 Lof(f) slechts éénmaal vóór een strik.

[p. 87]

 

Lof balsame soet / bouen enich goet

 

Loff ghedichtichste / lof verblytste in dat godlyc weten

 

Loff volmaectste oetmoit / lof hemels vloit

 

Loff ontsterfelijc / lof erffelijck hoechste geseten ^32-34

35

Loff bij perfecten wonder onghemeten

 

Loff crachtichste / machtichste der vrouwen vrouwe

 

wy waren vergheten / by des appels beeten

 

Mer doch ghi noch toocht ons v trouwe

 

och moeder ic scouwe / het staet mi rouwe

40

allene / och reene / ic bidde om gracie

 

och moeder ic couwe / van sonden ic flouwe

 

Loff vercorene / gheborene in dauids name sonder blamacie

 

Loff hoechste iubilacie / hoort myn oracie

 

Loff iudith. lof hester lof claerder dan ijuoor ^42-44

45

Loff van gracien maechdelyck trysoor ⁴⁵

 

 

 

Prinche

 

 

 

⁺Lof princesse der glorien godlike siborie

 

lof moeder daer wy ghenade wt sughen

 

nie man en const vollouen v reijn in lummorie

 

noch dyn verdienste hadde moghen ghetughen ⁴⁹

50

Dies siel lyf hert ende sinnen bughen

 

segghende oetmoedilyke loff godlyke oor

 

Lof vol der gracien maechdelijc trijsoor

32-34 Loff slechts éénmaal vóór een strik.

42-44 Loff slechts éénmaal vóór een strik.

45 de r van gracien boven den regel bijgeschreven.

+ Fol. 59^v (xlviii^v)

49 de ghe van ghetughen boven den regel bijgeschreven.