Refereinenbundel, Anno 1524
(1930)–Jan van Stijevoort–
Auteursrecht onbekendReffereijn XLII
| |
[pagina 81]
| |
ic vant laest tot enen auontspele siet
5[regelnummer]
daer ic een groot hoop amoruessen sach
Dat tocken dat spelen dat groot gelach
dat daer gebuerde ginck bouen maten
Ga naar margenoot+Ic pynde mij oock daer sonder verdrach
binnen te comen tot mijnder baten
10[regelnummer]
Ick sacher die liefste ic ghinckse omuaten
onnoselic sittende als een erm rindeken
Hoe ghenuecht v tspel / tsus wilt v saten
tspel waer goet en de tbaervoits kindeken
Ick sals een proifsel hebben seij ic wilt god
15[regelnummer]
ende schoot haer toe al sou ickse scueren
Hoe ghelatij v dus seyd sy beijt ou sijdi sot Ga naar voetnoot16
doet ghyt in nerste of ist in spot
Neen ghij en selt mij daer niet meer becueren Ga naar voetnoot18
peijnst niet ic en sout oeck auentuere
20[regelnummer]
en dede tbaeruoits kindeken ic segt v bloot
Mer ick hebber qualic mede geuaren te voeren
ghy en brengt my niet meer in sulcken groot
Ke liefken sey ic dat en is gheen noot
dat ghi daer voersorcht ke laet varen sulcken winken
25[regelnummer]
Mer sy sprack tot my een woert dat sloot
tspel waer goet en de tbaruoets kindeken
Ick segghe seijdsij pijnt sulcke spel te verbenenne
want ghy en brengt my niet meer in sulcke dangier
Want this blyscap al mit wenenne
30[regelnummer]
pynt v cotueldekens elder te kersteenenne
al die suetste wort wert dat suerste bier
Ga naar margenoot+Tbaeruoits kindeken die ionghe personier
doet oec somtijts dat die vader wten lande bijst
Dus segick waert ghebuert daer of hier
35[regelnummer]
tspel is goet mer ick misprijst
| |
[pagina 82]
| |
Want alsmen merct dat tbuycksken ryst
dan gaetmen lopen noyt sulcken allindeken
Ic blyf byder regulen en ic bewijst
tspel waer goet en de tbaruoits kindeken
Prinche
40[regelnummer]
Diet tberuoits kindeken eerstwerf vant
twas adam mit eua onder een groin lindeken
Vanden naesmake en hadden sy gheen verstant
sy presen tspel inder waerheijt want
tspel waer goet en de tbaeruoits kindeken
|
|