Refereinenbundel, Anno 1524

Refereyn XLI
Langhe gheborcht en is niet quijt ghescouwen

Trecht staet ghebonden theeft nu helpens noot
practijke loose uonden sijn nu al thoot
elc mensche is nu tot liste gheneghen
Elc spreect nu mit twe monden dat sietmen bloot
men ontsiet gheen sonden want vrese is doot
die waerheyt blyft nu al omme versweghen
Daer list of loosheyt is in gheleghen
dat soictmen want elck wil goet verweruen
Al waert onrechtuerdichlyck vercreghen
sy en sorghen niet voer gheen bederuen
Daer en leyt niet ane hoe datse steruen
al omme is die werlt vol ontrouwen
Al moghen wy deen sonde op dander keruen
langhe geborcht en is niet quijt ghescouwen

[p. 80]

15

Waer ic gae of come tvolc is bedruckt

 

die erme simpele domme wert gepluckt

 

compassie is tsamen wten lande

 

Tuolc is nu al omme soe loos dat huckt

 

trecht keert int cromme elc te hemwert ruckt

20

practijke is nu menigherhande

 

⁺Deen dander bedrieghen en is gheen scande

 

die alder looste sijn nu meest verheuen

 

Men soeckt nu ijemande van verstande

 

die wysheit of raet soect met leeren te gheuen ²⁴

25

Die duechdelyke sietmen sneuen

 

om dat sij rechtuerdicheyt onderhouwen

 

Mer peysden sy op wrake sy mochten wel beuen

 

langhe gheborcht en is niet quyt ghescouwen

 

 

 

Prinche

 

 

 

Financie sietmen nu spotters neringhe

30

nouwe en hoertmen van duechden enich ghescal

 

Mer quade vsancie ende srechts verweringhe

 

dese sietmen regneren ouer al

 

Hier omme dinckt dat v god nemen sal

 

off laet v in tijts v sonden berouwen

35

op dat ghij niet en coemt inder hellen ghescal

 

want langhe geborcht en is niet quijt ghescouwen

+ Fol. 55 (xliiii)

24 vóór met een apart staande, doorgehaalde o