Oude ende nieuwe lof-sangen, die gemeenlijk gesongen worden op de geboorte ons heeren Jesu Christi, van kers-nagt, tot Maria Ligtmisse toe

De vyfde Psalm 113.

IN exitu Israel de aegypto: domus Iacob de populo barbaro.

Facta est Judea sanctificatio ejus: Israel potestas ejus.

Mare vidit, & fugit: Jordanis conversus est retrorsum.

Montes exultaverunt ut arietes: & colles sicut agni ovium.

Quid est tibi mare, quod fugisti: & tu Jordanis, quia conversus es retrorsum.

Montes ex ultastis sicut arietes: & colles sicut agni ovium.

A facie domini mota est terra: à facie Dei Jacob.

Qui convertit petram in stagna aquarum: & rupem in fontes aquarum.

Non nobis Domine, non nobis: sed nomini tuo da gloriam.

Super misericordia tua, & veritate tua: nequando dicant gentes: ubi est Deus eorum?

Deus autem noster in coelo: omnia quaecumque voluit fecit.

Simulacra gentium argentum & aurum: opera manuum hominum.

Os habent, & non loquentur; oculos habent, & non videbunt.

Aures habent, & non audient: nares habent, & non odorabunt.

Manus habent, & non palpabunt: pedes habent, & non ambulabunt, non

[p. 91]

 

clamabunt in gutture suo.

 

Similes illis fiant qui faciunt ea: & omnes qui confidunt in eis.

 

Domus Israel speravit in Domino: adjutor eorum & protector eorum est.

 

Domus Aäron speravit in Domino: adjutor eorum & protector eorum est.

 

Qui timent Dominum speraverunt in Domino: adjutor eorum & protector eorum est.

 

Dominus memor fuit nostri: & benedixit nobis.

 

Benedixit domui Israel: benedixi domui Aäron.

 

Benedixit omnibus qui timent Dominum: pusillis cum majoribus.

 

Adijciat Dominum super vos: super vos, & super filios vestros.

 

Benedicti vos a Domino: qui fecit coelum & terram.

 

Coelum coeli Domino: terram autem dedit filiis homium.

 

Non mortui laudabunt te Domine: neque omnes qui descendunt in infernum.

 

Sed nos qui vivimus benedicimus Domino: ex hoc nunc & usque in saeculum. Gloria Patri, &c.