[Dies est laetitiae]
DIes est laetitiae, In ortu regali,
Nam processit hodie, Ventre virginali.
Puer admirabilis, Vultu delectabilis,
In humanitate, Qui inaestimabilis,
Et ineffabilis, In divinitate.
Mater haec est Filia, Pater hic est natus,
Quis audivit talia? Deus homo natus.
Servus est & Dominus, Qui ubique cominus,
Nequit apprehendi, Praesens est & eminus,
Stupor iste geminus, nequit comprehendi.
Orto Dei Filio, Virgine de pura,
Ut Rosa de Lilio, Stupescit natura,
Quod parit juvencula, Natum ante saecula,
Creatorem rerum, Quod uber munditiae,
Lac dat pueritiae, Antiquo dierum.
Ut vitrum non laeditur, Sole penetrante,
Sic illaesa creditur, Virgo post & ante,
Felix est puerpera, Cujus clausa viscera,
Deum portaverunt, Et beata ubera,
Quae aetate tenera, Deum lactaverunt.
In obscuro nascitur, Illustrator Solis,
Stabulo reponitur, Princeps terrae molis.
Fasciatur, dextera, Qui affixit fidera,
Dum Coelos ascenditur Concrepat vagitibus,
Qui tonat in nubibus, Dum Coelus ascendit.
Angelus pastoribus, juxta suum gregem,
Nocte vigilantibus, Natum Coeli Regem,
Nuntiat cum gaudio, jacentem praesepio,
| |
Infantem pannosum, Angelorum Dominum,
Et prae natis hominum, Forma speciosum.
Orbis dum describitur, Virgo praegnans ibat,
Bethlehem quo nascitur, Puer qui nos scribat,
In illorum curia, Qui canebant gloria,
Novae dignitatis, Deus in sublimibus,
Dat pacem hominibus, Bonae voluntatis.
|
|
Auteursrechtvrij