[Jesu dulcis memoria, dans vera cordis gaudia]
JEsu dulcis memoria, Dans vera cordis gaudia,
Sed super mel & omnia, Ejus dulcis praesentia.
Ave Iesu Rex gloriae, Veré cordis dilitiae.
Nil canitur suavius, Auditur nil jucundius,
Nil cogitatur dulcius, Quam Iesus Dei Filius.
Iesu spes poenitentibus, Quam pius es petentibus
Quam bonus te quaerentibus; Sed quid invenientibus
Iesu dulcedo cordium, Fons vivus lumen mentium
Excedens omne gaudium, Et omne desiderium. Ave.
Nec lingua valet dicere. Nec litera exprimere,
Expertus potest credere, Quid sit Iesum diligere. Ave
Iesu Rex admirabilis, Et triumphator nobilis,
Dulcedo inestabilis, Totus desiderabilis. Ave &c.
Mane nobiscum Domine, Et nos illustra lumine.
Pulsa mentis caligine mundum replens dulcedine, ave
Quando cor nostrum visitas, Tunc lucet ei veritas,
Mundi vilescit vanitas, Et inius fervet charitas Ave.
Amor Iesu dulcissimus, Et veré suavissimus,
Plus millies gratissimus, Quam dicere sufficimus. Ave
Qui the gustant esuriunt, Qui bibunt adhuc sitiunt.
Desiderare nesciunt. Nisi Iesum quem diligunt. Ave
Quem tuus amor ebriat. Novit quid Iesum sapiat,
Quam felix est quem sapiat? Non est ultra quod cupiat. Ave Iesu, &c.
Desidero te millies, Mi Iesu quando venies;
Me laetum quando facies, Me de te quando faties ave
O Iesu mi dulcissime, Spes suspirantis animae:
Te quaerunt piae lachrymae; Te clamor mentis intimae. Ave Iesu Rex, &c.
O beatum incendium! Et ardens desiderium.
O dulce refrigerium! Amare Dei Filium. Ave &c.
Laus honor virtus gloria, Deo Patri in saecula.
Cum Iesu Christo Filio, Et Siritu paraclito.
|
|
Auteursrechtvrij