Wisconstighe gedachtenissen. Deel 1: van 't weereltschrift

[p. 3]

Eerste bovck des hemelloops vande vinding der^⋆ dawaelderloopen
en der vaster sterren deur ervarings dachtafels, met stelling eens vasten Eertcloots.

⋆ Motuvm Planetarun

[p. 4]

Cortbegryp deses eersten Boucx.

DE bepalinghen beschreven sijnde soo sal dit eerste bouck acht onderscheytsels hebben, vande vinding deur ervarings dachtafels des loops van Son, Maen, Saturnus, Iupiter, Mars, Venus, Mercurius, en der vaste sterren, alles met stelling eens vasten Eertcloots als vveerelts middelpunt, vvant hoevvelse eyghentlick in een rondt draeyt ghelijck d'ander Dvvaelders, nochtans leertmen de^* beghinselen deser const lichtelicker verstaen deur het schijnbaer, dan deur het eyghen, soo daer af breeder gheseyt sal vvorden in des 3 boucx 7 voorstel. Angaende voorder^* spieghelinghen vvaer toe de eyghen stelling des loopenden Eertcloots bequamer is, daer af salick int boveschreven derde bouck handelen.

* Elementa.

* Speculationes.