Diversche refereynen ende liedekens, uut Hollant, ende Zeelant(1582)–Pieter Sterlincx– Auteursrechtvrijvan verscheyden beminders der Consten ghelesen, ende gesonghen, inde Heerlijcheyt van Heenvliet, Ten versoecke van Peeter Sterlinx, den derden September 1580 Vorige Volgende [Folio B6r] [fol. B6r] Refereyn. Antwoorde te gheuen op dese vraghe jent Present // willen wy ons ghereet spoen Met Schriftuerlijck bewijs, comende ontrent Bekent // willen wijt na ons simpel verstant doen Wilt doch eens hooren naer ons bevroen Wat menschen treurich leuen, en vrolick steruen, Paulus schrijft den tweeden brief tot Tirum coen Mijnen loop is ten eynde ick hoop te verweruen Een eeuwighe croone dien ick niet en sal deruen Het ghelooue heb ick behouden te hant, Daerom ghinck hy in droefheyt keruen Maer het steruen viel voor hem seer triumphant Dus segghe-ick met woorden seer diamant Die onder het Pausdom noch moeten sweruen Die leuen treurich, maer vrolick sy steruen. Die op Godt hopen met grooten verlanghen Die leuen treurich hier int Aertsche crijt Hoe wel de werelt hem ghewis aenhanghen Tvalt den gheest banghe dies seker sijt Want Paulus seyt noch met grooter vlijt Heer wanneer suldy dit sondich vleysch van my nemen Het docht hem lang te vallen desen tijt Vrolijck te steruen, was wel sijn temen Hy en wilde van Gods leeringhe niet vervremen Sacharias beweest oock int openbaer Als hy Christum sach, sprack hy sonder schemen Heer laet uwen knecht gaen in vreden voorwaer Die Christum willen volghen ick segt v claer Die moeten den Roomschen Antechrist vrientschap deruen Die leuen treurich, maer vrolick sy steruen. [Folio B6v] [fol. B6v] Van Tobiam lesen wy oock seer claer Doen hem openbaer zijn huysvrouwe schelde, O Heer seyde hy met woorden voorwaer Neemt mijnen gheest in vreden was dat hy relde Sijn seluen hy ganschelijck tot den Heere stelde Om te steruen was hy seer wel bereyt, Nabuckodonosor die dry Ionghelinghen quelde Om dat sy niet en aenbaden twert v geseyt Sijnen afgodt dien hy hadde wtgeleyt, Dies moesten sy oock naden houen treden, Maer sy bleuen volstandich in volherdicheyt Sy ghinghen ter doot in vrolijckheden, Het is doch suer menich Iaren gheleden Datmense in dese Nederlanden sach ter doot keruen Die leefden treurich, maer vrolijck sy steruen. Prince. Prince der Princen tis wel ghebleken Aen Abraham, Isack, Iacop ter stede Haren gheest inwendich was totten Heere gestreken, Sy hebben dlichaem besweken in vrolickheden, Die twaelf Patriarchen ghingen oock vrijlick treden Naer haer plaetse die hen Godt had bereyt, Samson heeft den Heer met vieriger herten gebeden, Heere laet my wraeck nemen heeft hy gheseyt Van mijnen ooghen, O Heere gheleyt Mijnen gheest in vreden, op dat men v mach eeren Dat ick mijn vyanden ter neder worpe, niet en beyt, Ionas heeft oock ghebeden sonder cesseren Nv Heere neemt mijn siele van my, tis mijn begeeren Op dat ick v Rijck mach vrolijck verweruen Die leefden treurich, maer vrolijck sy steruen. Tspruyt wt Ionckheyt. Nieuwenhoven. Vorige Volgende
Auteursrechtvrij