Daraide

[fol. *3v]

Zonnet.

BEruchte Friesen, noyt en waert ghy soo volmaeckt
In ware wetenschap van brave Poësien,
Als ghy gheworden zijt nu recht in dese tijen,

Nu ghy de stromen hebt van Pegasus gesmaeckt,

Waer aen (ghy wonderlijck) en schielick, zyt geraeckt,

Het gheen wy Bataviers u t' samen (schier) benyen,
Dus moocht ghy u met re'en verheughen en verblyen,

Mits ghy het gheen gheniet daer onse siel naer haeckt.

Ha Starter of ghy waert ons tot een licht gebleven,

Ach of ghy noyt en waert vertrocken uyt der Stadt,

Maer laes het is om niet, wy hadden 't luck niet, dat

U Star hier schyne mocht tot vreughde van ons leven,

Tot Leeuwarden daer most de glans zyn van Son,

't VVas Leeuwarden dat u ons, laes ontrecken kon.

't Verkeert haest.